Фыццаг компонентæй дæр прививкæтæ скодтой уал адæймаджы
Коронавирусæй прививкæ скæнынмæ нырма бирæтæ сæ ныфс нæ хæссынц. Фæлæ йæ чи скодта, уыдонæй иу дæр нæ фæфæсмон кодта, æмæ ма йæ суанг иннæтæн дæр амонынц. Куыд зæгъынц, афтæмæй вакцинæимæ цæрын æнцондæр æмæ æдасдæр у. Фидарæй кæсыс дæхи æмæ дæ бинонты фидæнмæ. Кировы районы вакцианци райдыдта ацы аз январы. Раздæр уал прививкæтæ скодтой дохтыртæ, уый фæстæ та, кæй бафæндыд, уыдон. Рæстæмбис нымадæй иу бонмæ прививкæ скæнынмæ æрбацæуы 20 адæймаджы онг. Бæлвырддæр радзурдзæн Фидараты Маринæ.
Алексей Двойников йæ бинонты хсæн фыццаг сфæнд кодта коронавирусы ныхмæ прививкæ скæнын. Бирæ рæстæг фæхъуыды кодта, цавæр вакцинæ равзара, ууыл. Æмæ æрлæууыд Спутник ВИ-йыл. Уымæн æмæ уыцы вакцинæйы æууæлтæ ацыдысты фылдæр иртæстытæ. Йæ ахадындзинад у 90% фылдæр. Алексей Двойниковæн вакцинаци у – йæхи æмæ йæ бинонты тæссаг низæй бахъахъхъæныны ахсджиаг фæрæз.
Кировы районы цæрджытæн сæ бон у, нæ бæстæйы кæй рауагътой, уыцы æртæ вакцинæйæ иу равзарын. ЭпиВакКорона, КовиВак æмæ Спутник Ви. Арæхдæр цæрджытæ равзарынц æртыккаг, зæгъынц специалисттæ.
Кировы районы вакцинаци райдыдта ацы аз январы. Раздæр уал прививкæтæ скодтой дохтыртæ. Уый фæстæ та, кæй бафæндыд, уыдон се ппæт дæр. Специалисттæ зæгъынц, рæстæмбис нымадæй иу бонмæ прививкæ скæнынмæ æрбацæуы 20 адæймаджы онг. Æмæ канд елхотæгтæ нæ вæййынц, фæлæ хæстæгдæр хъæуты цæрджытæ дæр. Вакцинацийæн Кировы районы рынчындонæн радих кодтой мин æмæ фондз сæдæ дозæйы. Фыццаг компонентæй дæр прививкæтæ скодтой уал адæймаджы. Минæй чысыл фылдæр та райстой дыккаг компонент. Уæвгæ та Кировы районы цæры 22 мин адæймаджы. Æмæ дохтыртæ зæгъынц, коллективон иммунитет сфидар кæнынæн уыйбæрц вакцинацигонд адæм фаг не сты.
Вакцинаци дарддæр цæуы Змейкæйы амбулаторийы дæр. Станицæйы цæры 7 мин адæймаджы онг. Уыдонæй 5 мины сты хистæр кары. Джиголаты Валентинæ дæр сфæнд кодта прививкæ скæнын, цæмæй вирусæй мауал тæрса, уый тыххæй. Йæ хæдзары ис кæстæртæ, æмæ хъуамæ йæ бинонтæ дæр уой æдас.
Фæстаг рæстæг республикæйы цæрджытæ активондæрæй архайынц вакцинацийы. Базонынц фылдæр информаци, кæрæдзиимæ дæр аныхас кæнынц. Дохтыртæ та бафиппайдтой, горæты чи кусы, уыцы æрыгон адæм арæхдæр прививкæ скæнынц Дзæуджыхъæуы.
Фæлæ алы кусæг адæймагæн поликлиникæмæ бацæуыны фадат нæ вæййы. Уымæ гæсгæ куыстуæтты разамонджытæ арæх бадзырд бафыссынц поликлиникæтимæ. Афтæ, зæгъæм, «Россети»-йы кусджытæн вакцинацийы пункт байгом кодтой сæ куыстуаты. Алчи дæр хъуамæ баххæст кæна анкетæ, æмæ ацæуа терапевты æркаст. Æрмæст уый фæстæ райсынц вакцинæйы фыццаг компонент.
