Германи æмæ Шотландийы командæты рамбулгæйæ, ирыстойнаг футболисттæ систы ерысты бронзæ майданты аккаг. Уый та æнцон нæ уыд.
Кæронбæттæн хъæзтыты фембæлдысты Великобританийы командæимæ. Семæ хъаст ахицæн 0:0 хыгъдæй æмæ уæлахихдзау сбæрæг кæнын хъуыд пенальтитæй. Сæ хыгъдмæ гæсгæ рамбылдтой Великобританийы футболисттæ.
Бронзæ майдайнтыл тохгæнгæйæ, не спортсментæ тыхджындæр разындысты Францийы спортсментæй. Сæ хъазт ахицæн 5:3 хъыгъдæй.
Æхсызгон ма уый у, æмæ ерысты хатдзæгтæм гæсгæ нæ командæйы голкипер Денис Проничевæн радтой сæрмагонд приз «Турниры хуыздæр дуаргæс».
Нæ командæ фыццаг хатт архайдта ахæм стыр ерысты. Фæлæ сын ацы уæлахиз фыццаг спортивон æнтыстдзинад нæу. Командæйы 5 футболисты конд æрцыдысты уæрæсейы иугонд командæмæ æмæ 2012 азы паралимпиадæйы рамбылдтой 5 æвзист майданы.
Абон лæппутæ ссыдысты Дзæуджыхъæумæ. Æмæ та хæстæгдæр бонты сæхи цæттæ кæнын райдайдзысты Уæрæсейы чемпионатмæ. Сæ размæ сæвæрдтой, ацы азы чемпионтæ суæвыны хæс.
