Республикæйы Сæргълæууæг Сергей Меняйлойы амындмæ гæсгæ йын уыцы хæрзиуæг радта хицауады сæрдары хæдивæг Икъаты Русланбег
Нывкæнынады аивадмæ стыр æвæрæн кæй бахаста, уый тыххæй Владимир Наседкинæн лæвæрд æрцыд Цæгат Ирыстоны Адæмон нывгæнæджы кадджын ном. Республикæйы Сæргълæууæг Сергей Меняйлойы амындмæ гæсгæ йын уыцы хæрзиуæг радта хицауады сæрдары хæдивæг Икъаты Русланбег. Кадджын мадзал арæзт æрцыд, Владимиры куыстыты равдыст сæхгæныны фæстæ. Уый уыд культурон-рухстауæн проект «Венецианские строфы» -йы иу хай. Чиныджы ис 16 гравюрæйы æмæ Иосиф Бродскийы цикл «Венецианскийы строфы»-йы циклæй ист 16 æмдзæвгæйы. 50 азы размæ Иосиф Бродский уыд Венецийы. Уæвгæ та йæ уарзон горæты уыди 17 хатты, æмæ йæ номыл ныффыста 16 æмдзæвгæйы. Æмдзæвгæтæ æмæ гравюрæтæ мыхуыргонд æрцыдысты хъæдæй конд сæрмагонд формæтыл. Уыимæ, абарæн кæмæн нæй, ахæм техникæйы. Сæмбырд сæ кодтой чингуыты хицæн иугондмæ.
