Аивады къабазмæ стыр æвæрæн кæй бахаста, уый тыххæй
Уæрæсейы Президент Владимир Путин «Уæрæсейы Федерацийы Адæмон артисты» кадджын ном радта Стыр театры балетон труппæйы разамонæг, не мзæххон Уазиты Махарæн. Уый фæдыл нæ паддзахады сæргълæууæджы уынаффæ мыхуыргонд æрцыд барадон информацийы официалон интернет-порталы. Указмæ гæсгæ «Уæрæсейы Федерацийы Адæмон артисты» кадджын ном Уазиты Махарæн лæвæрд æрцыд, аивады къабазмæ стыр æвæрæн кæй бахаста, уый тыххæй. Уæ зæрдыл уын æрлæууын кæндзыстæм, Уазиты Махар райгуырд Цæгат Ирыстоны Алагиры. У советон æмæ уæрæсейаг балеты артист, педагог æмæ хореограф. 1979-æмæй – 1995-æм азты онг уыд Мариинаг театры солист. Уый фæстæ разамынд лæвæрдта йæ балетон труппæйæн, стæй ма разамонæг уыд Миланы театр Ла Скалайы балетон труппæйæн дæр. 2016-æм азы мартъийæ фæстæмæ разамынд дæтты Стыр театры балетон труппæйæн.
