Бахастой йæм дунейы алы рæтты цæрæг нывгæнджыты куыстытæ, стæй алы авторты фото æмæ видеоинсталляцитæ
Гыццыл Беслæны рыст сæхимæ хæстæг айстой Уæрæсейы алы регионты цæрджытæ дæр. Ацы бонты Дзæуджыхъæуы æфсымæрон горæт Владивостокы байгом равдыст «Беслан. Минута тишины». Бахастой йæм дунейы алы рæтты цæрæг нывгæнджыты куыстытæ, стæй алы авторты фото æмæ видеоинсталляцитæ.
Нывтæ, инсталляцитæ, хуызистытæ æмæ видеоæрмæджытæ – Владивостокы нырыккон аивады центр «Артэтаж»-ы – журналистты куыстытæ – 2004-æм азы трагедийы кадртæ. 1-æм сентябрь. Беслæны скъола, террористтæ æрцахстой 1128 адæймаджы.
3 боны – чысыл спортзалы. Æнæ донæй æмæ хæринагæй, рæмудзæн æрмæджыты *хсæн. Леонид ТишкОвы инсталляци – «На сквозняке» – адæмы цардмæ бæллæх куыд æрбацыд, уый æвдисæг хуымæтæг æмæ се *ппæтæн æмбаргæ аллегори. Хæдзары аивдзинады символтæм бацæугæйæ, скъуыд гауызтæй райхъуысы дымгæйы уынæр.
Краснодарæй нывгæнæг Владимир Мигачевы куыст та адæмы ахæссы Беслæны скъоламæ.
Доны бутылкæты ныртæккæ мыдадзын цырæгътæ, чи фæмард, уыцы сывæллæтты къамтæ æмæ мадæлты ныхæстæ. Уыдон сразы сты, туркаг нывгæнæг Дилара АкАйы проекты бацархайыныл.
«Беслан. Минута тишины» – стыр бæстæ кæй сбаста, ахæм экспозици. Владивостокимæ комкоммæ бастдзинады фæрцы æфсымæрон горæт Дзæуджыхъæуæй аныхас кодтой теракты чи аирвæзт, уыцы адæм. Уыдонæн ахсджиаг у, се *мкъласонты, ныййарджыты, ахуыргæнджыты тыххæй намыс бахъахъхъæнын.
