Уый фæдыл афæдзы дæргъы арæзт цæудзысты алыхуызон мадзæлттæ
Уæрæсейы президент Владмир Путины бардзырдмæ гæсгæ, 2020-æм аз нысангонд æрцыд «Зæрдылдарыны æмæ Намысы» азæй. Уый фæдыл афæдзы дæргъы арæзт цæудзысты алыхуызон мадзæлттæ. Сæ иу уыд Дзæуджыхæуы сæйраг библиотекæйы. Мадзалы уыд не сфæлдыстадон къорд дæр. Ныхасы бар нæ уацхæссæг Сосранты Жаннæйæн.
Фыдыбæстæйы Стыр хæсты хабæрттæ хæссын фæлтæртæм. Ахæм сæйраг хъуыды уыд, Дзæуджыхъæуы центрон библиотекæйы цы мадзал уыд, уымæн. Байгом дзы кодтой «Зæрдылдарыны æмæ Намысы» афæдз. 2020 азы Стыр уæлахизыл 75 азы кæй æххæст кæны, уымæ гæсгæ афæдз дæр снысан кодтой йæ кадæн. Библиотекæйы ис традици, уымæ гæсгæ иу афæдз иннæ йы аивы мыдадзын цырагъæй. Ныр дæр та афтæ – республикæйы ветеранты советы сæрдар Къаболаты Солтанæн радтой бар театры азы мыдадзын цырагъ бахæссын «Зæрдылдарыны æмæ Намысы» афæдзмæ.
Дзæуджыхъæуы центрон библиотекæмæ æппæт æрбацæуджытæ дæр радон хатт банкъардтой, куыд амонæджы ныхæстæй, афтæ бакаст æмдзæвгæтæй, нæ абоны райдзаст царды сæрвæлтау цас адæм радта сæ цард, уый. 27 милуанæй. Уыцы бæрæггæнæнтæ фидæны фæлтæртæм хæссын кæй хъæуы, уый тыххæй дзырдтой мадзалы архайджытæ.
Мадзал саразыныл бацархайдта йæ амонæг Гæтиты Сулейманы чызг Бэллæ. Дзæуджыхъæуы аивадон скъолатæ æмæ рæвдауæндæттимæ.
Фыдыбæстæйы Стыр хæсты 1418 боны æмæ æхсæвы куыд никуы уал бавзарой адæм сæхиуыл, ууыл архайын хъæуы, дзырдтой фембæлды архайджытæ.
Уæвгæ, Дзæуджыхъæуы центрон библитекæйы ахæм цымыдисаг, мидисджын мадзæлттæ арæх арæзт æрцæуы. Амæй та ма, ноджы дæр иу хатт равдыстой, куыд ис алы кары адæймаджы миддунемæ дæр фæндаг ссарæн, æмæ йæм хъæугæ æрмæг фæхæццæ кæнын.
