Бархионтæ пайда кæнынц сæрмагонд кусæнгæрзтæй, æмæ афтæмæй бæрæг кæнынц коронавирусæй рынчын адæмы
Волонтертæ-медиктæ æмæ Æппæтуæрæсеон адæмон фронты фæсивæдон къорды уæнгтæ дыккаг къуыри рад хæссынц автовокзалты, аэропорты æмæ æфсæнвæндаджы станцæйы. Бархионтæ пайда кæнынц сæрмагонд кусæнгæрзтæй, æмæ афтæмæй бæрæг кæнынц коронавирусæй рынчын адæмы. Йæ буары тæвд нормæйæ фылдæр кæмæн у, ахæм адæмæн фадат ис бынаты лæвар пцр-тест скæнынæн. Адæм процедурæмæ кæсынц алыхуызон цæстæй. Иутæ хылмæ æрлæууынц, иннæтæ ахæм хъæппæрис банымайынц хорзыл. Иннæ къуыри республикæйы байгом уыдзæни колл-центр. Волонертæн бастдзинад уыдзæни, вирусæй чи фæрынчын, уыдонимæ, цæмæй зоной цы къуылымпадзинæдтимæ æмбæлынц, уый тыххæй. Зæгъæм медикаменттæй æххæст сты, æви нæ, уый.
