Ивддзинæдтæ хаст æрцæудзысты æнæкоммерцион организациты архайдмæ дæр
Активон рæзгæ фæлтæр уый раппæлинаг хъуыддаг у. Волонтертæн паддзахадон æххуыс кæй цæуы, уый рæхджы фæбæрæг уыдзæн нæ бæстæйы сæйраг закъоны. Ивддзинæдтæ хаст æрцæудзысты æнæкоммерцион организациты архайдмæ дæр. Фæлæ бархионтæ сæхæдæг куыд зæгъынц, афтæмæй ныридæгæн дæр сæхиуыл æнкъарынц паддзахадон æххуыс. Дыууæ азы размæ нæ республикæйы кусын райдыдта бархионтæн æххуысы ресурсон центр. Цавæр нысантæ æххæст кæны, уый тыххæй радзурдзæн Касаты Наирæ.
Ресурсон центры ахсджиаг фарстатыл ныхас. Радон проектыл кусгæйæ йæ фæстæ расайы ног проекттæ. Ахæм арфæйаг хъуыддæгтыл æнæрлæугæ куыст фæстаг цалдæр азы. республикæйы цæуы. Джиголаты Эдуард волонтерты бинонты ис 4 азы. Архайдта алы къабæзты, ныртæккæ та царды æххæст кæны медицинон проект. Сослан та йæ дæсныйадмæ гæсгæ у юрист. Йæ хæлар волонтертæн æххуысгæнгæйæ йæхæдæгдæр сси бархион.
Волонтертæн паддзахады æххуыс æмæ фарсхæцт, ныр гæнæн ис æмæ фæзындзæни бæстæйы сæйраг закъоны дæр. Конституцийы ивддзинæдты амынд уыдзæни æнæкоммерцион организацитæн æмæ бархион змæлдтæн æххуыс. Фæлæ волонтертæ куыд зæгъынц, афтæмæй ахæм æххуыс ныридæгæн дæр исынц.
Бархионты ресурсон центр кусы 2 азы. Цæгат Кавказы у иунæг ахæм куыстуат. Байгом ис паддзахадон думæйы депутат Таймазты Артуры хъæппæрисæй. Организацийы сæйраг хæс у, волонтерты архайдмæ цæстдарын. Уыимæ, уæрæхдæр кæнынц сæ авналæнтæ дæр. Зæгъæм, æрæджы фæзындысты конституцийы волонтертæ.
Республикæйы бархионты змæлдæн бындур æвæрд æрцыди 5 азы размæ. Бакуыстой йыл «Уæлахизы волонтертæ». Уæдæй нырмæ, сæ куыст кæны фидардæр æмæ куыд фæзæгъынц, бæркадджындæр. Абон бархионты хыгъды къордмæ йе ргом здахы бирæ адæм. Ацы национ хъæппæрис иу рæстæг аззади рохуаты, фæлæ йын ныр радтой ног цард.
