Волонтертæ цæттæ кæнынц кондитерон продукци, сæхи къухтæй аразынц цымыдисаг экспонаттæ, æрбацæуджыты зæрдæты æвзæрын кæнынц цымыдисдзинад
Волонтерты къорд «Алцыдæр фронтæн æмæ Уæлахизæн»-ы хъæппæрисæй Луковскæйы станицæйы цæуы хæрзаудæн акци. Волонтертæ цæттæ кæнынц кондитерон продукци, сæхи къухтæй аразынц цымыдисаг экспонаттæ, æрбацæуджыты зæрдæты æвзæрын кæнынц цымыдисдзинад. Æргътæ бæрзонд не сты, фæлæ, æфтиаг хæссынц иумæйаг фæрæзтæм. Алы адæймаджы дæр фæнды не мзæххон хæстонтæн баххуыс кæнын æмæ ацы хъуыддагмæ йе вæрæн бахæссын. Акци аразджытæн æххуыс кæнынц сфæлдыстадон къордтæ, волонтертæ, ахуырдзаутæ æмæ сæ ахуыргæнджытæ, стæй хъазахъхъæгтæ. Армукъатæ цæуынц бæрæгбон хуызы. Цы фæрæзтæ дзы сæмбырд уа, уыдонæй балхæндзысты, фронты цы кусæнгæрзтæ хъæуы, ахæмтæ.
