Экспозицитæ равæрдтой Ливадиаг галуаны Итайлаг кæрты. Фенæн дзы ис къамисæг Константин Михальчевскийы æмæ Хъырымы Цæгат Ирыстоны официалон минæвар Саулаты Валерийы 30 куысты
Ялтæйы байгом равдыст «Беслан. Будущее, которое не наступило». Экспозицитæ равæрдтой Ливадиаг галуаны Итайлаг кæрты. Фенæн дзы ис къамисæг Константин Михальчевскийы æмæ Хъырымы Цæгат Ирыстоны официалон минæвар Саулаты Валерийы 30 куысты. Уыимæ ма дзы фенæн ис æрмæджытæ, кæцытæ æвдыст æрцыдысты скъолайы трагедийы амæттæгты номарæн музейы. Ялтæйы администрацийы сæргълæууæг Алексей Челпановы ныхæстæм гæсгæ ацы равдыстæйссардтой уыцы уæззау цауы амæттæгты нæмттæ. Загъта, кæй хъæуы иумæйагæй кусын терроризмы ныхмæ. Равдысты байгом кæныны кадджын мадзалы архайдтой Беслæны фыццæгæм скъолайы трагедийы чи бахаут уыцы ахуыргæнджытæ-Козырты Светланæ æмæ Хъаныхъуаты Маринæ. Уыдон раарфæ кодтой Хъырымы цæрджытæн терракты фæстæ сын цы æххуыс бакодтой , уый тыххæй.
