Афæдзы сæйраг турниры архайдтой 200 спортсменæй фылдæр 31 бæстæйæ. Ерыс кодтой 5 уæзы категорийы.
Японийы кæронмæ æрхæццæ дунейы чемпионат сумойæ. Афæдзы сæйраг турниры архайдтой 200 спортсменæй фылдæр 31 бæстæйæ. Ерыс кодтой 5 уæзы категорийы. Уæрæсейы иугонд командæ нæлгоймæгты хсæн бацахста фыццаг бынат. Хицæн ерысты та бронзæ призертæ систы Багаты Руслан æмæ Куыдзойты Эдуард. Цавæр нысантæ æвæрынц сæ размæ ирыстойнаг богæлттæ, уый тыххæй радзурдзæн Гуытъиаты Алинæ.
Сæумæрайсом. Сумоисттæ тагъд кæнынц тренировкæмæ. Японийæ нырма æрæджы ссыдысты. Уым, дунейы чемпионаты фæфылдæр кодтой Уæрæсейы иугонд командæйы майданты хъыгд.
Ирон сумоисттæ ныр цалдæр азы нымад сты дунейы тыхджындæр спортсментыл.
Фыццаг бакастæй афтæ зыны, цыма ирон сумоисттæ цыфæнды ныхмæлæууæгæн дæр аккаг ныхкъуырд ратдзысты. Фæлæ кæрæдзиуыл æрмæст традицион Маасамитæ æрбæттын дæр се нцонтæй нæу.Сумойы традицион æгъдæуттæ кæд Японийы æрхъуыды кодтой, уæддæр иннæ адæмыхæттыты минæвæрттæн æнæххæстгæнгæ не сты. Тохы размæ спортсментæ сæ къухтæ кæрæдзиуыл хойынц, цæмæй сау тыхтæ асурой, уый фæстæ та кæсынц кæрæдзийы цæстытæм. Тренировкæты сумоисттæ ахуыр кæнынц сæ къæхтыл фидар лæууыныл, хорз тасыныл æмæ сæ тых фæлтæрыныл. Уымæй уæлдай кусынц сæ ныхмæлæууæджы раст схойыны техникæйыл. Уымæн сын æххуысгæнæг бæрзонд хъæдын лæдзæг. Хойынц æй сæ армы тъæпæнтæй. Разминкæйы фæстæ та спортсментæ саразынц ныхмæлæудтытæ.
Сумойы афтæ дæр вæййы, æмæ тох æртæ секунды дæр нæ ахæссы. Иу схуыст æмæ дæ ныхмæлæууæг хаххы фале фæцис. Фæлæ уыцы æртæ секунды дæр сæ бакæсыны аккаг сты. Цæмæй æцæг самурайы хуызæн змæлай, уый тыххæй не спортсменты сæрмагонд хæринаг дæр нæ хъæуы.
Чемпионтæ цæттæ кæнынц иннæ ерыстæм. Арæх æрымысынц дзырддзæугæ тренер Токаты Владиславы. Уый æрхъуыды кодта æмæ бакуыста, æмбал кæмæн нæй, ахæм тренажерыл. Йæ фæрцы не спортсменты къухы бирæ æнтыстдзинæдтæ бафтыдис. Фæлæ номдзыд спортсмен куы нал ис, уæд сумо дæр нæ республикæйы фæцудыдта.
Куыст бирæ, хъæуы нæ республикæйы дарддæр дæр сумо парахат кæнын. Ацы спорты хуыз æнæхъæн дунейы дæр нымад цæуы уæлдай кадджындæрыл. Йæ рæсугъд миниуджытæ ныр бирæ азты спортуарзджыты размæ хæссынц ирон сумоисттæ.
