Йæ æрмадз ис Сыгъдæг Ильяйы номыл аргъуаны
Æнæхъæлæджы дæсныйад сси царды сæйраг куыст. Юрий Гуров 20 азы дæргъы реставраци кæны дзуары нывтæ. Йæ æрмадз ис Сыгъдæг Ильяйы номыл аргъуаны. Йæ куыстытæй 15 Адæмон фронты минæвæртты руаджы æрвиты сæрмагонд æфсæддон операцийы архайджытæн. Бæлвырддæр хабæрттæ радзурдзæн Чехойты Фатимæ.
Юрий Гуров 20 азмæ сахуыр алы дзуары нывы нысаниуæг æмæ истори æмбарын, базыдта, чи фесæфт, уыцы рæсугъддзинад сног кæнын. Реставратор йæ дæсныйады миниуджытимæ æнæнхъæлæджы базонгæ – сахуыр æй кодта йе *мбал. Æмæ йын ныр йæ зæрдæйы хуымæтæг куыстæй стырдæр бынат ис. Хъæдыл йæ алы æрмдзæф дæр у культурон хæзнатыл узæлд.
Раздæр ам уыд аргъуаны хъармгæнæн, ныр сси чысыл æрмадз. Ныр дæр у хъарм бынат – æрмæст удæн æмæ уырнынадæн. Сыгъдæг Ильяйы номыл аргъуаны бындурон цалцæджы рæстæг Юрий реставраци скодта æппæт дзуары нывтæ дæр. Ныр та йæ размæ ис æндæр хæс – дзуары нывтæ сæрмагонд æфсæддон операцийы архайджытæн цæттæ кæнын. Ныридæгæн уыдонæй арвыста 15.
Акци «Алцыдæр Уæлахизæн» æххæст кæнгæйæ Юрийы лæвар æфсæддонтæм бахæццæ кæндзысты Адæмон фронты минæвæрттæ. Алы дзуары ныв дæр ссардзæн йæ хицауы.
Реставратор йæ зæрдæ дары, йæ лæвар æфсæддонты хæстæгдæр кæй кæндзæн сæ хæдзæрттæм, сæ зæрдыл сын сæ хиуæтты кæй æрлæууын кæндзæн æмæ сæ хъæбатырдзинадмæ кæй разæнгард кæндзæн. Адæмон фронты минæвæртты ныхæстæм гæсгæ, дзуары нывтæ æфсæддонтæн сты иудзинады *вдисæнтæ.
