Уыцы фæзуæттæ хъæуынц горæты социалон-экономикон активон рæзтæн æмæ ног объектты арæзтадæн.
Зæххы 222 гектары республикæйы исбонæй раивдзысты Дзæуджыхъæуы бынæттон администрацийы бæрнмæ.
Уыцы фæзуæттæ хъæуынц горæты социалон-экономикон активон рæзтæн æмæ ног объектты арæзтадæн. Афтæ фехъусын кодта паддзахадон исбоны æмæ зæххы ахастдзинæдты министр Тедеты Руслан. Фыццаг вице-премьер Сæбæтхъуаты Æхсарбег куыд радзырдта, афтæмæй æмбæлгæ курдиæттæ райстой Горæтгæрон æмæ Æрыдоны районтæй, стæй ма инвестортæй дæр. Нысантæм гæсгæ иу участоккыл уыдзæн гидротехникон кусæнгæрзтæ, дыккаджы скæндзысты карьер, æртыккаджы та – сæрмагонд бæстыхæйтæ скълæдтæн. Се ппæт дæр бахъæудзысты арæзтадон æрмæджытæ уæй кæнынæн. Хицауады уæнгтæ ма хорзыл банымадтой, хъæууон хæдзарады рæзты паддзахадон программæмæ цы ивддзинæдтæ хаст æрцыд, уыдон. Бæлвырддæр та профилон ведомствойы министр Уазиты Хъазыбег радзырдта, ныртæккæ фермертæн цы æххуыс кæнынц, уый тыххæй. Уымæн ацы аз федералон бюджетæй субсидитæ радих кодтой 183 милуан сомæй фылдæрæн.
