Кæддæры амалхъом адæмы хæдзæрттæ горæты астæу, ныр систы дуканитæ æмæ ресторантæ
Дзæуджыхъæуы Сабырдзинады проспекты хуыз архитектортæм æвзæрын кæны алыхуызон хъуыдытæ. Кæддæры амалхъом адæмы хæдзæрттæ горæты астæу, ныр систы дуканитæ æмæ ресторантæ. Рекламон продукци æмæ инженерон объекттæ тынг тæссаг сты, историон цыртдзæвæнтыл нымад чи у, уыцы цыртдзæвæнты архитектурæйæн. Рекламæ кæнынæн цавæр фæтк ис, цæмæй историон объектты хуыз ма сæфа, уый тыххæй радзурдзæн Касаты Наирæ.
Æнæ ирд рекламæйæ проспект республикæйы цæрджытæн æмæ уазджытæн у раздæры хуыз, 150 азы размæйы æвдисæн. Уый равдисдзæн революцийы агъоммæйы цардыуаг æмæ æнцой царды æууæлтæ. Уыимæ, Дзæуджыхъæуы бакуыстой бæстыхæйтты æддаг къултыл рекламæйы индивидуалон фæткыл. Уымæ гæсгæ рекламон конструкцитæм цæудзæни бæстон цæстдард. Рухсгæнæн дамгъæтæн хъуамæ арæзтады уа бæлвырд процент.
Ацы фæткмæ хъуамæ сæ цæстд дарой цыртдзæвæнтæ хъахъхъæныны комитеты æмæ горæты администрацийы рекламæйы хайады кусджытæ. Цæмæй арæзтадтæ бахъахъхъæнын, кæнæ та хицæн хæттыты арæзтадæн йæ фыццаг хуыз раздахын, уый тыххæй специалисттæ Сабырдзинады проспекты бæстыхæйттæн кæнынц паспорттæ. Æдæппæтæй 51 документы. Ацы уагæвæрд уыди республикæйы Сæргълæууæг Сергей Меняйлойы хъæппæрисæй. Йæ нысан у, проспект иу стильмæ гæсгæ скæнын.
Специалисттæ зæгъынц, бындуронæй æркæсын хъæуы, проспектæн фылдæр кæм вæййынц, æрмæст уыцы зонæ нæ. Базилын хъæуы цæхгæрмæ уынгты территоритæм дæр. Уым, бирæ азты архитектортæ тох кæнынц Уæрæсейы банчы быруимæ. Арæзтад æрæхгæдта Куйбышевы уынджы къахвæндаг.
Историон тыгъдад у горæты рагон ирд æвдисæн. Йæ культурон æууæлтæ зынынц бæстыхæйтты æддаг бакасты æмæ барельефты æмæ декоративон нывæфтыдтыты лыстæг хъуыддæгты. Куы йæ бахъахъхъæнæм, уæд уый уыимæ раздахдзыстæм проспекты фыццаг хуыз.
