Ног азы фидауц фæзынд, сæрмагонд проект «Уæрæсейы Заз бæлæстæ» æххæст кæнгæйæ
«Мæскуыйаг дидинджыты баст». Ахæм сæргондимæ заз бæлас сæвæрдтой Мариинаг театры филиалы Дзæуджыхъæуы. Ног азы фидауц фæзынд, сæрмагонд проект «Уæрæсейы Заз бæлæстæ» æххæст кæнгæйæ. Традицион хъазæнтимæ ма заз бæлас саив кодтой размæвæрæнтæ. Саив сæ кодтой Мæскуыйы облæсты æрмдæсныйады мастертæ. Афтæмæй равдыстой сæ рагфыдæлты культурæйы æмæ традициты бастдзинад. Ам æвæрд ис акцийы сæйраг мидис дæр. Раздæр Мариинаг театр уыд, уыцы хъæппæрисы фарс чи рахæцыд, уыдонæй фыццаг. Ацы аз проекты бацархайдтой Цæгат Ирыстон æмæ Владивосток. Цалынмæ Дзуджыхъæуы лæууы уырыссаг мотивтимæ заз бæлас, уæдмæ Санкт-Петербурджы та се ппæты зæрдæ æлхæны Ног азы бæрæгбоны символ ирон нывæфтыдтимæ.
