Уæд снысан кодтой Мæздæджы бæмбæджы куыст кæнын
Зинахæссæг гæлæбу – хлопковая совка, нæ республикæйы фæзынд 50-йæм азты. Уæд снысан кодтой Мæздæджы бæмбæджы куыст кæнын. Фæстаг азты ацы гæлæбуйы хуыз парахат кæй кæны, уымæн та аххосаг у хъарм зымæг æмæ сæрды тæвд бонтæ. Специалисттæ куыд зæгъынц, афтæмæй Совкæйы бон у 3 мин километры тæхын. Сæ къуыдыр кæлмытæ хæрынц 120 зайæгойты 120 хуызы, уыимæ фылдæр нартхор, уæлдайдæр та июлы дыккаг æмбис. Зианхæссæг зулкъ быдыртæ куыд бахъыгдардта, уый тыххæй радзурдзæн Гуытъиаты Алинæ.
Дардæй бакæсгæйæ, нартхор æмæ сояйы хуымзæххыты тыллæг тугыл аскъуыд æмæ йæ хъæуы æрмæстдæр æрæмбырд кæнын. Фæлæ хæстæгдæр куы бацæуай, уæд фендзынæ, зайæгойтæн сæ фылдæр хæрд кæй æрцыдысты, уый. Стыр зиан æрхаста ацы аз цæгатирыстойнаг зæхкусджытæн зианхæссæг гæлæбу — хлопковая софкæ. Ацы зулкъ йæхи тынг хорз хаты нæ республикæйы. Ацы аз хъарм зымæг кæй уыдис, сæрды та къæвдатæ бирæ кæй рауарыд, уый хыгъд ацы гæлæбу дæр сбирæ. Софкæ цыбыр рæстæгмæ хæры, йæ размæ цыдæриддæр уыны, уый. Зæгъæм, Дыгуры районы фермертæ цалдæр бонмæ æнæ тыллæг фесты.
Дыгуры районы фермертæ сæ зæрдæ дардтой, хъæздыг тыллæг кæй æрæмбырд кæндзысты, ууыл. Сæ нысан цæмæй сæххæст кæной, уый тыххæй бацыдысты стыр хæрдзты, балхæдтой сæрмагонд хъацæнтæ, химикаттæ. Софкæ дарддæр дæр хуымзæххытæ афтæ куы скъуыйын кæна, уæд гæнæн ис, æмæ ацы аз Дыгуры район æнæ тыллæгæй баззайдзæн.
Зианхæссæг гæлæбуйы чи баурома, ахæм тых нæй. Зæххкусджытæй та бирæтæ фæнд кæнынц сæ тыллæг тракторы цæлхыты бын фæкæнын. Нырма уал софкæйы къуыдыр калм æрбынат кодта æртæ районы. Дарддæр ацæудзæн æви нæ, уый бæрæг нæу. Куыд ма уын хъусын кодтам, афтæмæй Рахизфарсы, Кировы æмæ Мæздæджы районты хуымзæххытæ хъыгдард баййæфтой хус рæстæгæй.
