Фæлæ специалистты хъуыдымæ гæсгæ, телыхъæдтæ сты нырыккон, æмæ йæ уылæнтæ стыр зиан нæ хæссынц.
Æнæниздзинад æви бастдзинад? Змейкæйы цæрджытæ ныр 12 азы тыхсынц иу фарстайæ, сæ хъæуы цы телефонты 3 антеннæйы ис, уыдон се нæниздзинадæн зиан кæй хæссынц, уымæй. Уæвгæ, ахæм хъуыдымæ æрцыдысты сæхæдæг. Уыцы цауимæ бæттынц, алы низтæ сыл кæй сарæх сты, уый. Фæлæ специалистты хъуыдымæ гæсгæ, телыхъæдтæ сты нырыккон, æмæ йæ уылæнтæ стыр зиан нæ хæссынц.
Змейкæйы цæрджытæ æвдисынц, прокурæтурæмæ цы хъаст ныффыстой, уый. Фæнды сæ айсын чырæ телефонты 3 антеннæйы. Сæвæрдтой сæ 12 азы размæ, æмæ уæдæй тыхсын кæнынц бынæттон цæрджыты.
Адæмы æнæниздзинад кæй фæцудыдта, уый цæрджытæ бæттынц ацы антеннæтимæ. 2007-æм азы сæ сæвæрдтой станицæйы центры æмæ уæддæр змекæйæгты фæндон уыд, цæмæй сæ сæвæрой хъæугæрон, уымæн æмæ ам хæстæг сты сывæллæтты дыууæ рæвдауæндоны, скъола, культурæйы хæдзар æмæ спортивон зал. Æмæ куыд зæгъынц, афтæмæй сывæллæттæ дæр арæх фæзæгъынц, сæ сæр кæй риссы.
Змейкæйы цæрджыты хъуыдымæ гæсгæ антеннæйы аххосæй сæ хъæуы фылдæр адæммæ фæзынд онкологийы низ. Фæлæ уыцы хъуыдыимæ разы не сты районы рынчындоны дохтыртæЭксперттæ зæгъынц, антеннæйы уылæнтæ адæмы æнæниздзинадæн зиан кæд хæссынц, уæддæр хæрз чысыл, уымæн æмæ сты, ног домæнтæн дзуапп чи дæтты, ахæм антеннæтæ. Уымæй уæлдай Уæрæсейы фæлхасадон цæстдарды специалисттæ сарæзтой экспертизæ æмæ æмæ антеннæтæ сты нормæмæ гæсгæ.
Телыхъæд кæм æвæрд хъуамæ уа, уый тыххæй нырыккон закъонæвæрынады загъд нæй. Егъау горæтты сæ æвæрынц бирæуæладзыгон хæдзæртты сæрты. Фæлæ фæлхасадон цæстдардмæ управленийы зæгъынц, кæд телыхъæдтæ адæмы хъыгдарынц, уæд саразæн ис ведомствæты хсæн экспертон къорд æмæ уый бæлвырд сбæрæг кæндзæн антеннæтæ цас зиан хæссынц, уый æмæ уæд, гæнæн ис, æндæр ранмæ сæ ахæсын.
