11 июля 2016, 17:46
Знон Ирыстоны дзыллæтæ сбæрæг кодтой нæ кадджындæр национ бæрæгбæттæй иу, Хетæджы бон
Тымбыл хъæды Дзуары æмæ йæ алыварс арæзт æрцыд стыр бæрæгбон. Адæм хастой сæ кувинæгтæ æмæ Лæгтыдзуарæй куырдтой зæххон хорзæхтæ, дунейы сабырдзинад. Фæстæдæр та стырæй-чысылæй бацыдысты Нæртон симды.
Знон Ирыстоны дзыллæтæ сбæрæг кодтой нæ кадджындæр национ бæрæгбæттæй иу, Хетæджы бон. Тымбыл хъæды Дзуары æмæ йæ алыварс арæзт æрцыд стыр бæрæгбон. Адæм хастой сæ кувинæгтæ æмæ Лæгтыдзуарæй куырдтой зæххон хорзæхтæ, дунейы сабырдзинад. Фæстæдæр та стырæй-чысылæй бацыдысты Нæртон симды.
Басаты Барис Хетæджы къохы бын кувы Стыр Хуыцаумæ, æмæ Лæгты Дзуармæ. Кæстæртæн куры æнæниздзинад, республикæйæн сабырдзинад. Ацы бон Хетæджы къохмæ адæм æрæмбырд вæййынц республикæйы алы кæмттæй. Алчидæр Хуыцаумæ фæкувы, æмæ дзы фæкуры йæ зæрдæйы арфы цы бæллицтæ вæййы, уый. Фæлæ алкæмæ дæр вæййы æнæмæнгæй иумæйаг курдиат, алы хæдзарæн дæр æнæниздзинад æмæ фарн. Хетæджы бон ирон къæлиндары у, сæйрагдæр бæрæгбæттæй иу. Мингай кувæг адæм къохмæ цыдысты сæ кувинæтæ æмæ мысайнæгтимæ. Лæгты Дзуарæй курынц, кæддæр Хетæгæн цы æххуыс бакодта, бахъуаджы рæстæг ахæм æххуыс.
Дзиццойты Игорь: «Абоны хорзæх нæ уæд. Абон бирæ адæм кувынц, ацы хорз бæрæгбонæн. Афæдзæй афæдзмæ ныл рæсугъддæрæй куыд цæуа, ахæм арфæ нын Хуыцау ракæнæд».
Хетæджы къохы уыди республикæйы сæргълæууæджы хæстæ рæстæгмæ æххстгæнæг Битарты Вячеслав дæр. Йæхæдæг куыд загъта, афтæмæй йын ацы бæрæгбон у тынг ахсджиаг.
Битарты Вячеслав, РЦИ-Аланийы Сæргълæууæджы хæстæ рæстæгмæ æххæстгæнæг: «Хетæджы бон сси нæ иудзинады бон. Алы кæмттæй се ртæ кæрдзыны рарвитынц. Абон бирæ дзыллæтæ кувы Ирыстоны. Дарддæр дæр не гъдæуттæ куыд нæ рох кæнæм, ахæм арфæ нæ уæд».
Хетæджы бон у Цæгат æмæ Хуссар Ирыстоны цæрджыты иугæнæг. Кувæн бынаты уыди Хуссар Ирыстоны делегаци дæр, сæ сæргъы президент Тыбылты Леонид, афтæмæй.
Тыбылты Леонид, Республикæ Хуссар Ирыстоны президент: «Хетæджы дзуар мах иу кæны, ирон адæмы, куыд Цæгаты, афтæ Хуссары дæр. Æмæ мæнæн æхсызгон у, кæй ис ахæм организацитæ, бæрæгбæттæ иумæ бæрæг кæныныл чи архайы».
Режиссер-документалист Анатолий Гадумадов Ирыстонмæ ссыди Тадджикистанæй. Йæ нысан у, ирон адæмы культурæ æмæ традициты тыххæй киноныв сисын. Куыд загъта, афтæмæй Хетæджы Лæгты дзуары блон Ирыстоны уæвын у тынг цымыдисаг. Бирæ рагон æгъдæутты нысаниуæг базонæн дзы вæййы. Уымæн æмæ йæхи райгуырæн хæхты дæр фæбæрæг кæнынц традицион бæрæгбæттæ.
Хетæджы бон æрвылаз къохмæ æрæмбырд вæййы мингай адæмтæ. Алчидæр сыгъдæг зæрдæ æмæ хъуыдытимæ.
Касаты Наирæ
Басаты Барис Хетæджы къохы бын кувы Стыр Хуыцаумæ, æмæ Лæгты Дзуармæ. Кæстæртæн куры æнæниздзинад, республикæйæн сабырдзинад. Ацы бон Хетæджы къохмæ адæм æрæмбырд вæййынц республикæйы алы кæмттæй. Алчидæр Хуыцаумæ фæкувы, æмæ дзы фæкуры йæ зæрдæйы арфы цы бæллицтæ вæййы, уый. Фæлæ алкæмæ дæр вæййы æнæмæнгæй иумæйаг курдиат, алы хæдзарæн дæр æнæниздзинад æмæ фарн. Хетæджы бон ирон къæлиндары у, сæйрагдæр бæрæгбæттæй иу. Мингай кувæг адæм къохмæ цыдысты сæ кувинæтæ æмæ мысайнæгтимæ. Лæгты Дзуарæй курынц, кæддæр Хетæгæн цы æххуыс бакодта, бахъуаджы рæстæг ахæм æххуыс.
Дзиццойты Игорь: «Абоны хорзæх нæ уæд. Абон бирæ адæм кувынц, ацы хорз бæрæгбонæн. Афæдзæй афæдзмæ ныл рæсугъддæрæй куыд цæуа, ахæм арфæ нын Хуыцау ракæнæд».
Хетæджы къохы уыди республикæйы сæргълæууæджы хæстæ рæстæгмæ æххстгæнæг Битарты Вячеслав дæр. Йæхæдæг куыд загъта, афтæмæй йын ацы бæрæгбон у тынг ахсджиаг.
Битарты Вячеслав, РЦИ-Аланийы Сæргълæууæджы хæстæ рæстæгмæ æххæстгæнæг: «Хетæджы бон сси нæ иудзинады бон. Алы кæмттæй се ртæ кæрдзыны рарвитынц. Абон бирæ дзыллæтæ кувы Ирыстоны. Дарддæр дæр не гъдæуттæ куыд нæ рох кæнæм, ахæм арфæ нæ уæд».
Хетæджы бон у Цæгат æмæ Хуссар Ирыстоны цæрджыты иугæнæг. Кувæн бынаты уыди Хуссар Ирыстоны делегаци дæр, сæ сæргъы президент Тыбылты Леонид, афтæмæй.
Тыбылты Леонид, Республикæ Хуссар Ирыстоны президент: «Хетæджы дзуар мах иу кæны, ирон адæмы, куыд Цæгаты, афтæ Хуссары дæр. Æмæ мæнæн æхсызгон у, кæй ис ахæм организацитæ, бæрæгбæттæ иумæ бæрæг кæныныл чи архайы».
Режиссер-документалист Анатолий Гадумадов Ирыстонмæ ссыди Тадджикистанæй. Йæ нысан у, ирон адæмы культурæ æмæ традициты тыххæй киноныв сисын. Куыд загъта, афтæмæй Хетæджы Лæгты дзуары блон Ирыстоны уæвын у тынг цымыдисаг. Бирæ рагон æгъдæутты нысаниуæг базонæн дзы вæййы. Уымæн æмæ йæхи райгуырæн хæхты дæр фæбæрæг кæнынц традицион бæрæгбæттæ.
Хетæджы бон æрвылаз къохмæ æрæмбырд вæййы мингай адæмтæ. Алчидæр сыгъдæг зæрдæ æмæ хъуыдытимæ.
Касаты Наирæ
темæмæ гæсгæ
