Знон изæры авд сахатыл Мæздæджы районы æрцыд æрдзон фыдбылыз

14 мая 2014, 18:14

Æрцыдысты дзы тæрккъæвдатæ, их æмæ дымгæимæ. Цæрджытæ сæхæдæг куыд зæгъынц, афтæмæй ахæм æрдзон фæзындæн æвдисæн фыццаг хатт уыдысты. Хъыгдард баййæфтой Хурыхъæу, Павлодольскийы станица æмæ Советскийы поселок. Фæлæ фылдæр зиантæ та æрхаста Винограднæйы хъæуæн. Хъыгдард дзы баййæфтой æртын цæрæн хæдзары, скъола æмæ рæвдауæндон. Абон нæ куыстой. Районы куыд зæгъынц, афтæмæй ныртæккæ архайынц фыдбылызы фæстиуджытæ аиуварс кæныныл. Цас зиантæ æрхаста, уый нырма хъæуы бæстон сбæрæг кæнын. Зæгъæм, скъолайы сæр аивынæн бахъæудзæн 700 шиферы. Адæмæй хъыгдард ничи баййæфта.