Æмбæлынц дохтыртимæ, аразынц семинартæ, бæрæг кæнынц сывæллæтты æнæниздзинад. Уæвгæ, сæ цыды сæйраг нысан у фыццаджыдæр æркæсын кæстæр æмæ астæуккаг кары сывæллæттæм æмæ рабæрæг кæнын, тарниз дзы кæмæ хæццæ кæны, уыдоны.
Бæрæггонд куыд у, афтæмæй Уæрæсейы иннæ регионтимæ абаргæйæ, Цæгат Ирыстоны тарнизæй рынчын сывæллæтты нымæц у 3-5 хатты фылдæр. Уымæ гæсгæ, æппæты фыццаг кусын хъæуы ууыл, цæмæй низ афоныл цæуа бæрæггонд. Уымæн та стыр æххуыс сты нырыккон технологитæ. Се хсæн специалисттæ хорзыл нымайынц диаскинтест. Сывæллæттæн дзы кæнынц манту … Фæлæ иннæ хос туберколинимæ абаргæйæ, дызæрдыггаг бæрæггæнæнтæ не вдисы. Æрмæстдæр рынчын чи у, кæнæ тарнизæй фæрынчын кæнынæй тынг тæссаг кæмæн у, уыдоны.
Мæскуыйаг специалисттæ сарæзтой семинар-лекци республикæйы дохтыртæн. Бæстон радзырдтой ног технологиты тыххæй. Куыд бафиппайдтой, афтæмæй сæм хорз фæкаст уый дæр, æмæ семинармæ кæй æрбацыдысты канд фтизиатртæ нæ, фæлæ педиатртæ дæр. Уымæн æмæ фыццаджыдæр сывæллæтты æнæниздзинад уыдон бæрæг кæнынц. Æмæ хъуамæ афоныл раиртасой низ æмæ йæ арвитой фтизиатртæм.
