Дæсныйадæвдисæг ахуыртæ Надежда Ажгихинæйæ. Зындгонд мæскуыйаг журнастимæ фембæлд арæзт æрцыд Цæгат Ирыстоны паддзахадон университеты журналистикæйы факультеты.
Æрбахуыдтой йæм студентты æмæ республикæйы дзыллон информацийы фæрæзты минæвæртты.
Дæсныйадæвдисæг ахуыртæ Надежда
Ажгихинæйæ. Зындгонд мæскуыйаг журнастимæ фембæлд арæзт æрцыд Цæгат
Ирыстоны паддзахадон университеты журналистикæйы факультеты.
Æрбахуыдтой йæм студентты æмæ
республикæйы дзыллон информацийы фæрæзты минæвæртты. Дзырдтой,
журналистикæйæн цы ахадындзинад ис, стæй нырыккон технологиты дуджы
газет цы бынат ахсы, уый тыххæй. Студенттæ цымыдисæй хъуыстой
журналистмæ. Цæгат Ирыстоны журналистты Цæдисы сæрдар Фидараты Булат та
йæ схорзæхджын кодта кады гæххæттæй. Надежда Ажгихина у филологон
наукæты кандидат, Уæрæсейы фысджыты Цæдисы уæнг. Куыста газетты
«Комсомольская правда», «Независимая газета», журнал «Огонек»-ы. У 12
чиныджы автор.
Айларты Эмилия, ЦИПУ-йы журналистикæйы
факультеты студенткæ: «Тынг мæ зæрдæмæ фæцыд абоны фембæлд. Æрбацыд нæм
зындгод журналисткæ. Радзырдта нын журналистикæйы сусæгдзинæдтæ. Мæнмæ
гæсгæ тынг ахсджиаг хъуыддаг сты уыдон. Йемæ базонгæ уæвын уыд тынг
æхсызгон æмæ мæм баззад фæлмæн æнкъарæнтæ».
Хозиты Барис, ЦИПУ-йы ирон филологийы
факультеты декан: «Ахæм фембæлдтытæ сфæлдыстдон фæсивæдæн пайда сты,
уымæн æмæ фæлтæрдджын журналисттæ радзурынц сæ куысты цы сусæгдзинæдтæ
ис, уый, кæимæ куыстой, цы рæстæджы куыстой, стæй цавæр зындзинæдтыл
æмбæлдысты сæ царды. Фæсивæд дæр уæд хуыздæр бамбарынц, цæмæн
æрбацыдысты, стæй цы дæсныйадыл ахуыр кæнынц, уый бæрæгбоны хуызæн кæй
нæу, фæлæ дысфæлдæхтæй кусын кæй хъæуы, уый».
