филиал вгтрк государственная телерадиовещательная компания “Алания”

Зындгонд оперон зарæггæнæг Джиоты Вероникæ Дзæуджыхъæуы ратдзæн концерт. Мариинаг æмæ Стыр, Новосибирскы оперæ æмæ балеты театрты солисткæ абон ссыд Цæгат Ирыстонмæ.

Джиоты Вероникæйы курдиат æмæ аивад уарзынц æмæ йын аргъ кæнынц дунейы алы бæстæты. Зæрдиагæй æнхъæлмæ кæсынц йемæ фембæлынмæ. Цæгат Ирыстоны та йын уæлдай аргъ кæнынц. Оперæ уарзджытæн аивады бæрæгбон уыдзæн 16 сентябры. Диссаджы сопранойы хицау концерт ратдзæн Дзæуджыхъæуы ирон театры. 17-æм сентябры та Беслæны культурæйы галуаны ратдзæн хæрзаудæн концерт «Джиоты Вероникæ – Беслæны сæвæллæттæн». Ирыстоны концерттæ раттын къухы бафтыд Цæгат Ирыстоны культурæйы министрады, «Медиа-группа», «Ярче»-йы æххуысæй.