Йæ курдиат парахат кодта бæстæйы хуыздæр сценæты
Зындгонд оперон зарæггæнæг Билаонты Долоресы райгуырдыл сæххæст 84 азы. Йæ курдиат парахат кодта бæстæйы хуыздæр сценæты. Йæ хъæлæс ын хуыдтой сызгъæрин. Йæ хиуæттæ, йæ хæлæрттæ æмæ йын йе мкусджытæ йæ цыртдзæвæны цур сæвæрдтой дидинджытæ. Уæрæсейы адæмон артисткæ Билаонты Долоресы адæм нымадтой рæсугъддзинад æмæ профессоналы дæнцæгыл. Аивадуарзджытæ йæ уарзынц, абон дæр ын хъусынц адæмæн уарзон чи систы, уыцы зарджытæм. Долорес каст фæци Мæскуыйы Гнесинты номыл институты музыкалон хайад. Ахуыр кодтой Иофис Кобзонимæ иумæ. Хуыдтой йæ бæстæйы раззагдæр театртæм. Фæлæ ахуыры фæстæ Долорес ссыди йæ райгуырæн Ирыстонмæ. Æхсызгонæй йæ райстой Цæгат Ирыстоны музыкалон-драмон труппæмæ, уый фæстæ та музыкалон театрмæ. Ам йæ курдиат раргом уæлдай ирддæрæй. Билаонты Долорес йæ цардæй ахицæн 2009-æм азы.