Фæнд сæ кæнынц республикæйы рæвдауæндæттæн балæвар кæнын
Зындгонд уæрæсейаг мультипликацион нывтæ тæлмац кæнынц ирон æвзагмæ. Фæнд сæ кæнынц республикæйы рæвдауæндæттæн балæвар кæнын. Ацы куыстмæ дысвæлдæхтæй бавнæлдтой хъæппæрисджын адæм, æмæ сæ къухы уал бафтыди мультфильм «Фиксики»-йæ 5 серийы, «Маша и медведь»-æй та 10 чысыл хайы ратæмац кæнын. Ныртæккæ та куыст цæуы æнæмæнг хъæугæ юридикон документтæ бацæттæ кæныныл. Уый фæстæ сæ бон уыдзæни сывæллæттæн æхсызгон лæвар скæнын. «Фиксики»-йæн ныридæгæн райстой бардæттæг гæххæттытæ. Тæлмац кæныныл кусынц филологты стыр командæ. Специалисттæ архайынц, цæмæй текст тæлмацгонд æрцæуа раст, æмæ сывæллæттæн æнцон æмбарынгæнæн уа. Тæлмацгæнджытæ ма хъуамæ бардæттæг гæххæт райстой «Маша и медведь» чи исы, уыцы студи «Анимакорд»-æй дæр. Зæгъын хъæуы уый, æмæ юридикон бадзрыл куыст цæуы ныр 5 мæйы.
