Нæ хæзнаты хæзна – не взаг бахъахъхъæныныл фæстаг рæстæг фылдæр куыст цæуы. Æвзаджы фидæнмæ куыдфæндыйы цæстæй чи нæ кæсы, уыцы адæмы фæрцы фæзынд ирон
Нæ хæзнаты хæзна – не взаг
бахъахъхъæныныл фæстаг рæстæг фылдæр куыст цæуы. Æвзаджы фидæнмæ
куыдфæндыйы цæстæй чи нæ кæсы, уыцы адæмы фæрцы фæзынд ирон æмæ дыгурон æвзагтæм тæлмацгонд мультипликацион кинонывтæ, стæй методикон материалтæ.
Æрæджы та ма нын филологон наукæты доктортæ Гуæцæлты Ларисæ æмæ Парсиаты Ларисæ балæвар кодтой Стыр уырыссаг – ирон дзырдуат.
Ацы чиныгæн йæ бакаст куыд аив у, йæ мидис дæр афтæ цымыдисаг æмæ хъæугæ
у. Рагæй æнхъæлмæ кастыстæм ахæм стъолыл даргæ дзырдуатмæ.
Ацы чиныг адæмы размæ рахæссыныл йæ саразджытæ бирæ æнæхуыссæг æхсæвтæ
арвыстой. Сæ куысты сæйраг нысан уыд – æнцонкусæн, бирæвæрсыг дзырдуат
саразын. Æмæ сын æнтысгæ дæр бакодта. Фæлхасгæнджыты хъуыдымæ гæсгæ
чиныгæн абоны бонмæ æмбал нæй.
Мæхæмæтты Ахуырбег, ЦИПУ-йы президент: «Æз бирæ зындгонд ахуыргæндты
дзырдуæттæ федтон, фæлæ ацы дыууæ наукæйы кусæджы цы ногдзинæдтæ
бахастой дзырдуат аразынмæ,уыдон мæ зæрдæм тынг фæцыдысты. Ам дзырдæн ис
ссарæн куыд йæ ирон æмбарындзинад, афтæ дыгурон дæр. Дыууæ Ларисæйы
куыстытæм кæсгæйæ зæгъæн и сбирæ хъуыддæгтæ ма сын кæй бантæсдзæн
саразын, уый».
Дзырдуатыл бирæ адæм бацин кæндзæн. Хъæздыг у йæ мидис, ис дзы 60000
дзырды æмæ дзырдарæзты. Йæ саразджытæ куыд зæгъынц, афтæмæй сын сæ
куысты стыр æххуыс бакодта Абайты Васойы фыст дзырдуат, уым ис 25 000
дзырды.
Гуæцæлты Ларисæ, филологон наукæты доктор: «Иуæй æнцон кусæн уыд
дзырдуат аразыныл, иннæмæй та зын уыд. Уымæн æмæ ахæм куырыхон
дзыруатаразджыты фæстæ ахæм хæс нæхимæ райстам æмæ йæ хъуамæ æмбæлгæ
уагыл скодтаиккам».
Дыууæ ирон æфсæрмдзаст сылгоймаджы,
никæмæ бацыдысты æххуысагур, сæхи хъарутæй ирон наукæйы хæзнадонмæ
бахастой стыр æвæрæн. Ныртæккæ уал сын бантыст дзурдуат 300 экземплярæй
рауадзын. Балхæнæн æй ис Дзæуджыхъæуы чингуыты дуканиты.
Фидараты Маринæ, информацион программæ
«Ирыстон»-ы сæйраг редактор: «Мæнæн тынг æхзызгон у ахæм Стыр дзырдуат
кæй фæзынд, уый. Фæстаг дзырдуат уагъд æрцыд 50 азы размæ æмæ дзы
рæстæджы домæнтæм гæсгæ цы ног дзырдтæ фæзынд, уыдоны æмбароындзинад
нæй. Дзырдуат æрмæст мах куысты пайдайаг нæу, фæлæ скъолаты,
рæвдауæндæтты, стæй æвзæр нæ уыдзæн алы хæдзары дæр куы уа, уæд».
Дзырдуат сарæзтой Ирыстоны зындгонд
ахуыргæндты номыл. Бирæ хъæугæ ног хъуыддæгтæ дзы ссарæн ис. Дзырд
агуырын цæмæй æнцондæр уа, уый тыххæй та фыццаг дамгъæтæ рахастой сыфты
кæрæттæм. Дыууæ Ларисæмæ ма дарддæр дæр ис фæндтæ.
Уырны нæ, тагъд рæстæджы та уыцы хорз хъуыддæгты тыххæ дæр кæй фехъусын кæндзыстæм чиныг уарзæгæн.
