Нырæй фæстæмæ та ма йæ ном хæсдзæн Лескены библиотекæ.
Лескены культурæйы хæдзары къулыл мемориалон фæйнæг байгом кодтой поэт-публицист, Советон Цæдисы фысджыты Цæдисы уæнг Хидирты Ехъяйæн. Кадджын мадзалы архайдтой поэты хæстæджытæ, хъæуы цæрджытæ, скъоладзаутæ, фысджытæ, районы разамынд, стæй патриотон клуб «Фыдыбæстæ»-йы уæнгтæ. Уæвгæ, ацы аз Хидирты Ехъяйы райгуырдыл сæххæст 85 азы æмæ йæ номыл йæ райгуырæн хъæуы арæзт цæуы номарæн мадзæлттæ. Сфæлдыстадон изæртæ,фысджытимæ фембæлдтытæ. Нырæй фæстæмæ та ма йæ ном хæсдзæн Лескены библиотекæ. Уæвгæ фехъусынæй фенын хуыздæр.
Бирæ сывæллонджын бинонты хъомылгæнинаг Хидирты Ехья, йæхи удыл нæ хъуыдыкодта, фæлæ йæ æдзухдæр фæндыд адæмæн исты хорздзинад саразын, уыимæ та ма архайдта мадæлон æвзаг парахат кæныныл. Уарзта йæ, æгæрон уарзтæй.
Ехья кæд стырдæр ахуырад райста Мæскуыйы Ломоносовы номыл университеты, уæддæр йæхи никуы никæмæй фæбæрзонддæр кодта, загъынц чи йæ зыдта уыдон.
Уæвгæ Ехья йæ удвæллойы бонтæ кæимæ æрвыста, уыдон чысыл нæ уыдысты , фæлæ сæ алкæйы зæрдæйы дæр ныууагъта йæ уды цæхæр. Абон уыцы бонтæ нымайынц, сæ царды хуыздæр растæджы хæйттæй иуыл.
Фыссæг, публицист, ахуыргæнæг Хидирты Ехьяйы ном Лескейнæгтæй рох никуы уыд, фæлæ ныр та йæ фæлмæн мидбылты худтимæ йæ хуызист хаст æрцыд къæйдурмæ æмæ йæ фенæн уыдзæн Лескены культурæйы хæдзары къулыл. Скодта йæ нывгæнæг Бадзиты Станислав
Номарæн фæйнæг байгом кæнынмæ хуынд æрцыдысты Цæгат Ирыстоны фысджытæ, районы хицауад, ахуыргæнджытæ, се ппæт дæр стыр аргъ скодтой Бадзийы фырты куыстæн. Æрæфы районы «Стыр Ныхасы» сæрдар Хуасдзауты Тазреты ныхæстæм гæсгæ та, ахæм мадзалттæхорз фæрæз сты , кæстæрты зондахастыл хорзырдæм ахадынæн.
Дыгурон поэзийы стъалыйы фыст æмдзæвгæтæ, фæндаг арынц алы адæймаджы зæрдæмæ дæр. Фыст сты мадмæ, фыдыбæстæмæ, мадæлон æвзагмæ уарзондзинадыл, уымæй уæлдай дзы сиды, цæмæй адæм цæрой хæларæй, уарзонæй. Цалдæр дзы адæмы размæ рахастой Лескены скъолайы ахуырдзаутæ
Номарæн мадзал саразыныл бакуыстой Лескены библиотекæйы æмæ культурæйы хæдзары кусджытæ. Уæвгæ афтæ фæзæгъынц хорз фæдон цы хистæрæн уа, уый ном рох никуы уыдзæн, кæд Ехьяйæн бинонтæ саразын нæ бантыст, уæддæр йæ хотæ æмæ æфсымæрты кæстæртæ архайынц йæ удвæллой йын фæлтæртæм хæссыныл. Фæйнæг байгом кæнын кадджын мадзалы фæстæта Лескены цæрджытæм æнхъæлмæ каст зæрдиаг лæвар, Хидирты Валерийы хъæппæрисæй сæм хуынд æрцыдысты Дыгурон театры актертæ æмæ сын равдыстой спектакль.
