Къорд кусы ногдзинæдтæ базоныныл, æмæ туристты нæ историимæ зонгæ кæныныл дæр
Бынæттон туризмы куыст рапарахат кæнын, уый у фыццаградон фарстатæй иу. Уыимæ нæ республикæйы фæзындысты ног туроператортæ дæр. Сæ иу «Эверест». Къорд кусы ногдзинæдтæ базоныныл, æмæ туристты нæ историимæ зонгæ кæныныл дæр. Сарæзтой, ныронг нæ республикæйы чи нæма уыд, ахæм тематикон балцытæ дæр
Ацы ран ма ис донгуырæн дæр. Зæгъынц, зæгъгæ дам у æвдадзы хос. Кувæндон хорз зонгæ у бынæттон цæрджытæн, фæлæ æрбацæуæг адæм та дис фæкæнынц. Ахæм балцы фылдæр базонынц Ирыстоны истори, нæ фыдæлты царды тыххæй.
Туристон компанийы кусы цалдæр амонæджы, фæлæ ацы экскурси разамонæг йæхæдæг аразы. Кавказы, уыимæ та Ирыстоны ис бирæ цымыдисаг, ныронг кæронмæ бæрæггонд чи не рцыдысты, ахæм бынæттæ. Æмæ туроператор йæ уазджыты ахуыдта ног фæндæгтыл. Сфидар кодтой тематикон туртæ дæр, ныронг нæ республикæйы чи нæма уыдысты, ахæмтæ.
Туристон фæндæгтæ фидаргонд æрцыдысты фæлхасадон домæнтæ хынцгæйæ. Ис дзы бæстæзонæн къахвæндæгтæ дæр. Æдæппæй сты 15. Уыдонæй 2 сты горæты, уыимæ хæстон намысы бынæттæ.
Туристон операторты нымæц кæны фылдæр, зæгъынц республикон комитеты. Пандемийæйы рæстæг бирæ туристон агентадтæ кусын райдыдтой республикæйæн йæхи мидæг æмæ уый хъуамæ хуыздæрырдæм фæзына ацы къабазы райрæзтыл.
Хииппæрды мæйтæ сæ фæд ныууагътой алы къабазы дæр, фæлæ ахæм уавæрты дæр, специалистты хъуыдымæ гæсгæ, ис бынæттон туризм æмæблгæ æмвæзадмæ ракæнын.
