Дзыллæты уарзондæр бæрæгбæттæй иу Уæлахизы боны агъоммæ бирæ мадзæлттæ арæзт æрцæуы. Сæ иу машинæтыл дугъ æфсæддон Намысы бынæттæм.
Уæлахизы боны кадæн Цæгат Ирыстоны саразтой машинæтыл дугъ æфсæддон Намысы бынæттæм. Акци райдыдта Намысы мемориалы цурæй. Уырдæм æрбамбырдысты ветерантæ, горæты куыстуæтты æмæ организациты минæвæрттæ, скъоладзаутæ, цыртдзæвæныл хистæртимæ дидинджытæ сæвæрдтой рæвдауæндæтты хъомылгæнинæгтæ дæр.
Бедойты Руслан, УФ-йы æфсадæн, авиацийæн æмæ флотæн ахъаз кæныны æхсæнады сæргълæууæджы уыныффæгæнæг: «Номарæн мадзæлттæ аразын хъæуы. Нæ республикæйы уыцы фарастайфыл куыст цæуы. Кæстæртæн нæ хъæбатырты сгуыхтдзинæдты хабæрттæ куы нæ кæнæм уæд фидæны рох уаты баззайдзысты».
Митинджы фæстæ дзы Фыдыбæстæйы Стыр хæсты ветерантæ, æфсадæн, авиацийæн æмæ флотæн ахъаз кæныны республикон æхсæнады, районты æмæ министрадты, стæй фæсивæдон организациты минæвæрттæ афæндараст сты Дзæуджыхъæу – Джызæл, Алагир, Æрхонкæ æмæ Æрыдоны уылты.
Æвæццæгæн ахæм хæдзар нæй, уыцы тугуарæн хæст кæй нæ фæриссын кодта. Цæмæй уыцы рæстæджы цаутæ рох ма уой, уый тыххæй та мæнæ ахæм мадзæлттæ аразын хъæуы. Сывæллæттæ ацы хъуыддæгтæ уынгæ куы фæкæной, уæд хуыздæр уыдзæн. Ветерантимæ куы балæууой, семæ куы аныхас кæной, уæд сын уый фылдæр зонд ратдзæн.
Акцийы архайджытæ ныхæццæ сты суанг Æрджынарæджы онг. Фæндагыл дидинджытæ æвæрдтой, Фыдыбæстæйы стыр хæсты абоны сæрибар цардæн йæхи чи снывонд кодта, уыцы салдæтты цыртдзæвæнтыл.
Къубалты Тотраз: «Ацы автопробег хистæрты нал хъæуы, фæлæ йæ кæстæр фæлтæртæн аразын хъæуы. Уадз æмæ зоной сæрибар куыд зынтæй бафтыд сæ хистæрты къухы. Уынгæ та йæ куыд никуы фææкæной».
Автомобильтыл дугъ саразджытæ куыд фæбæрæг кодтой, афтæмæй, хъыгагæн, афæдзæй-афæдзмæ Фыдыбæстæйы Стыр хæсты æвдисæнтæ къаддæр кæнынц. Уымæ гæсгæ сын уæлдай кад кæнын у нæ алкæйы хæс дæр.
Сосранты Жанннæ
