17 июня 2019, 17:05
400 æвзонг футболистæй фылдæр архайынц турнир «Сæрак пурти»-йы республикон къæпхæны
Райдыдта знон æмæ цæудзæн иу къуыри.
400 æвзонг футболистæй фылдæр архайынц турнир «Сæрак пурти»-йы республикон къæпхæны.
Райдыдта знон æмæ цæудзæн иу къуыри. Уыцы мгъуыдмæ 28 командæйы республикæйы æппæт районтæй сæ арæхстдзинад æвдисдзысты спортивон скъолатæ «Юность»-ы æмæ Æрыдоны фæзты. Æрыгон спортсментæн арфæтæ ракодтой ирыстойнаг футболы зындгонд архайджытæ – нæ республикæйы физкультурæйы æмæ спорты министр Гæбулты Владимир, Дудиаты Аслан, Цæллагкаты Ибрагим æмæ Хуыбылты Арсен. Хъæзтытæ цæуынц 3 кары къорды. Ацы аз фыццаг хатт турниры архайынц чызджыты дыууæ командæйы дæр. Дыууæ дæр тренировкæтæ кæнынц Цæгат Кавказы хæххон металлургон институты фæзы. Куыд загътой, афтæмæй сын сæйрагдæр у ахæм футболон турниры бацархайын.
темæмæ гæсгæ
