1942-æм азы Мæхъæлы арæнтæм хæстæг цыд карз тох. Уæлахизы сæраппонд советон салдæттæ цыдысты къуххæсты.
Мысæн æмæ хъыггæнæн боны агъоммæ, Фыдыбæстæйы Стыр хæсты рæстæг Кавказы арæнтæ знагæй чи хъахъхъæдта, æмæ хъæбатырæй йæ цард чи радта, уыцы 53 салдаты стæгдары кадджын уавæры баныгæдтой Мæздæджы районы æфсымæрон ингæны.
1942-æм азы Мæхъæлы арæнтæм хæстæг цыд карз тох. Уæлахизы сæраппонд советон салдæттæ цыдысты къуххæсты. Ам бирæтæ æнустæм баззадысты, сты алы нациты минæвæрттæ. Агурæг къордтæ егъау куыст кодтой цалдæр мæйы. Уый руаджы кæй ссардтой, уыдоны нæмттæ нырма бæрæггонд не рцыдысты, фæлæ сыл куыст цæуы. Цæгат Ирыстоны, Мæхъæлы æмæ Цæцæны республикæты бынæттон хиуынаффæййады хицауад æмæ барадон оргæнты кусджытæ, æхсæнадон организациты минæвæрттæ, æфсæддонтæ кадимæ баныгæдтой хæстонты стæгдартæ. Предгорныйы хъæуы у фыццаг æфсымæрон ингæн, ныр дзы скæндзысты мемориалон комплекс. Уый кадæн дзы сæвæрдтой номарæн дур. Уый зæрдыл лæууын кæндзæн, 78 азы размæ цы цаутæ цыди, уыдон.
