Адæм йæ фехъуыстой, бирæ вольттæ кæм цæуы, уыцы электрон тыхдæттæг телты цур кæсаг ахсын куыд тæссаг у, уый.
Нæ бæстæйы йæ тæмæны ис кæсагахсæн сезон.
Адæм йæ фехъуыстой, бирæ вольттæ кæм цæуы, уыцы электрон тыхдæттæг телты цур кæсаг ахсын куыд тæссаг у, уый. Фæлæ хъуыддагыл та æдасдзинады домæнтæ се ппæт не ххæст кæнынц. Россети Северный Кавказ – «Цæгаткавказэнерго»-йы филиал æххæст кæны, электротравматизмы профилактикæимæ баст егъау программæ. Кæсагасхджытæ кæм æмбырд кæнынц, уым компанийы специалисттæ скодтой рейдтæ, æмæ дзы сæвæрдтой информацион плакаттæ. Уымæй дарддæр энергетиктæ рæстæгæй-рæстæгмæ кæнынц æмбарынгæнæн куыст, доны объекттæм хæстæг хъæуты цæрджытимæ.
Бехъаны цадмæ уæлдай æргом здæхт цæуы. Доны объекты сæрмæ цæуы электрон тыхдæттæг тел. Тæссаг у кæсагахсджытæн. Республикæйы алы районты рæстæмбисæй ис 10 ахæм объекты. Кæсагахсджытæн ма тæссаг вæййы, телы бынмæ уæвгæйæ, æнгуыр доны куы баппарынц, уæд. Адæймаджы токæй ныццæвыны бон у, æнгуыр телыл куы фæхæца, æмæ йыл доны ртæхтæ куы бакæлой, уæд. Уæвгæ та, бирæ вольттæ кæм цæуы, уыцы электрон тыхдæттæг телтæм 20 метрæй хæстæгдæр цæуæн нæй. Арвнæрды рæстæг ток доны объектыл апарахат вæййы 100 метры онг. Уымæ гæсгæ Россетийы специалисттæ дарддæр дæр адæмимæ кæндзысты профилактикон куыст.
