Национ проект «Æдас фæндæгтæ» арæзт у 2024-æм азмæ.
Фæндæгты æдасдзинад аразгæ у сæ хæрзхъæддзинадæй. Национ проект «Æдас фæндæгтæ» арæзт у 2024-æм азмæ. Уый æххæст кæнгæйæ, нысан кæнынц республикæйы фæндæгтæм бæстон базилын. Проекты фыццаг къæпхæн райдайдзæн Дзæуджыхъæуы, Рахизфарсы æмæ Горæтгæрон районты.
Нæ республикæйы фæндæгтыл арæх ис фенæн асфальтæй къуыбыртæ. Сæ нысан у, фæндаггон змæлды æдасдзинад бахъахъхъæнын. Адæмы ахастдзинад уыцы мадзалмæ алыхуызон у. Фистæгæйцæуджытæ сыл цин кæнынц, шофырты та фæнды, цæмæй сæ бынтондæр сисой. Горæты администраци æрæджы Колыйы-фырты уынджы систа æхсæз ахæм къуыбыры. Фæндаг куы слæгъз ис, уæд дзы стынг ис машинæты змæлд дæр. Уый хыгъд сырæзт уынджы цæрджыты тыхст дæр.
Фæндаггон змæлды æдсдзинады фарстайыл дзырдтой Æхсæнадон палатæйы æмбырды æдас фæндæгты национ проект кусын кæныны фæлгæты. Ранымадтой дзы, цы мадзæлттæй спайда кæндзысты, уыдон. Зæгъæм, Дзæджыхъæуы афæдзы кæронмæ сæвæрдзысты аст светофоры. Уыдонæй иу уыдзæнис базар Викалинæйы раз. Сæвæрдзысты йæ ноябры.
Фæндаггон æдасдзинад баст у фæндæгты хæрзхъæддзинадимæ. Национ проект «æдас фæндæгтæ» кусдзæнис 2024 азмæ. Йæ фæлгæты сцалцæг кæндзысты нæ республикæйы фæндаггон хыз. Программæйы фыццаг къæпхæн райдайдзæнис Дзæджыхъæуы, Рахизфарсы æмæ Горæтгæрон районты.
