Скульптурæ æвæрд æрцыди Хуссар Ирыстоны Национ пантеоны, фыссæджы ингæныл.
Ирон зындгонд фыссæг, поэт, ахуыргонд, академик Джусойты Нафийæн Цхинвалы байгом кодтой цыртдзæвæн. Скульптурæ æвæрд æрцыди Хуссар Ирыстоны Национ пантеоны, фыссæджы ингæныл. Монумент арæзт у чиныджы хуызы. Йæ иу фарс æвдыст цæуы Нафи кæм райгуырди, уыцы хъæу, иннæ фарсыл та – ирон æмæ уырыссаг æвзæгтыл æмдзæвгæтæ. Скульптурæ у бронзæйæ конд. Эскизы автор – скульптор Бекъойты Алан. Джысойты Нафийы рухс номæн кад скæнынмæ æрæмбырд сты республикæйы разамынды, парламенты æмæ аивады минæвæрттæ. Хуссар Ирыстонмæ ацыди Цæгат Ирыстоны делегаци дæр. Хуссар Ирыстоны Национ пантеонæн бындур æвæрд æрцыди 2017-æм азы. Джусойты Нафи йæ цардæй ахицæни 2017-æм азы 26-æм июны. Цыди йыл 92 азы.
