Архайдтой дзы 30 æвзонг вокалисты Цæгат Ирыстоны алы районтæй
Республикæйы сывæллæтты сфæлдыстады хæдзары арæзт æрцыди ирон зарæггæнджыты 17-æм республикон конкурс «Ацæмæзы уадындз». Архайдтой дзы 30 æвзонг вокалисты Цæгат Ирыстоны алы районтæй. Сценæйæ хъуыстысты мадæлон æвзагыл уацмыстæ, куыд хицæнæй, афтæ ансабльты хыгъды. Конкурсантты адих кодтой æртæ кары категорийыл: кæстæртæ — 6 азæй 9 азы онг, астæуккæгтæ — 10 азæй 13 азмæ, стæй хистæр къорд — 13 -æй 15 азы онг. Проект баиу кодта æрмæст æвзонг зарæггæнджыты нæ, фæлæ педагогты дæр. Уыдон æххуыс кæнынц сывæллæттæм вокалон курдиат раргом кæнын æмæ сæ зонгæ кæнынц национ музыкалон хæзнатимæ. Конкурсы фыццаградон нысан — ирон культурæйы традицитæ бахъахъхъæнын, рæзгæ фæлтæры курдиат раргом кæнын, мадæлон æвзаг æмæ адæмон музыкæмæ цымыдисдзинад гуырын кæнын.
