Фыццаджыдæр, хъæуы бæстыхæйттæ сцалцæг кæнын, уый фæстæ та бахъахъхъæнын æмæ кусæнгæрзтæ сног кæнын.
Цæгат Кавказы кинохроникæйы студийы уавæрмæ хъæуы бæстон æргом аздахын. Фыццаджыдæр, хъæуы бæстыхæйттæ сцалцæг кæнын, уый фæстæ та бахъахъхъæнын æмæ кусæнгæрзтæ сног кæнын. Фæстаг киноныв дзы систой 6 азы размæ. Зæгъæн ис, æмæ уæд фæкъуылымпы финансон фарста дæр.
Бæрзонд хæмпæлгæрдæг сæхгæдта асфальт-къахвæндаг дæр. Цæгат Кавказы кинохроникæ зæрдыл лæууын кæны зæрдæриссæн кинонывæй скъуыддзаг.4 мин квадратон метры, цалдæр кинозалы, монтажгæнæн уæттæ, операторты бынат, хъæлæстæ фыссæн студи. Ам хорз киноныв исынæн уыд алы фадæттæ. Фæлæ рацарæзт фæбæрæг сæ куыстыл. 8 азы размæ та сын нал фыстой мызд. Ам кæддæр адæм æвæллайгæйæ кæй куыстой, ууыл та дзурынц сæ дзаумæттæ. Кинойы лентæтæ, боныгтæ, бобинæтæ, къамтæ.
Гулуты Вячеслав кинохроникæйæн радта 60 азы. Æрбацыд скъолайы фæстæ, райдыдта операторы æххуысгæнæгæй, уый фæстæ ахуыр кодта Мæскуыйы, акуыста Одессæйы дæр æмæ та фæстæмæ ссыд йæ райгуырæн бæстæмæ.
Советон цæдисы ам афæдзмæ уагътой 48 киножурналы, документалон æмæ наукон-популярон кинонывтæ. Афæдзы мбисы размæ та дзы хъалагъур дæр нал баззад. Уымæй спайда кодтой къæрныхтæ æмæ дзы рахæссинагæй цы уыд, уый рахастой.Йæ зæрдæ кæмæн риссы, уыцы адæм хицауадæй курынц, цæмæй уавæрмæ се ргом раздахой. Хъæугæ гæххæттытæ 5 хатты арвыстой Мæскуымæ, æмæ сæ 5 хатты дæр фæстæмæ раздæхтой.
Журналист æмæ къамисæг Къæбысты Аннæ Сочийы медиафорумы курдиатимæ фæсидт бæстæйы президент Владимир Путинмæ.Цæгат Кавказы студи куы сног кæной, уæд уый фадат ратдзæн ног кинонывтæ исынæн æмæ ацы дæсныйадыл ног фæлтæры ахуыр кæнынæн. фæлæ уымæн, фыццаджыдæр, хъæуынц фæрæзтæ.
