Уый у кассæты реформæйы æртыккаг къæпхæн
Ацы мæйы райдианæй æппæт организацитæн æмæ хицæн амалхъом адæмæн æнæмæнг домæн сси онлайн-кассæтæй пайда кæнын. Уый у кассæты реформæйы æртыккаг къæпхæн. Афтæмæй амалхъом адæм хъалонисæн оргæнтимæ хъуамæ сæвæрой ног кусæнгæрзтæ. Уыцы домæн чи не ххæст кæна, уыдон фиддзысты ивар. Ацы ногдзинадыл чи бацин кодта, æмæ чи у йæ ныхмæ, уый тыххæй радзурдзæн Моргуаты Ладæ.
Базар «Алан»-мæ бацæуæны æрæмбырд сты, сæ куысты ног фæткмæ цæттæ чи нæ у, уыцы уæйгæнджытæ. Уымæй равыдыстой сæ иузæрдиондзинад онлайн-кассæты ныхмæ. Кусæнгарзы аргъæнæ ифтонгæй у 25 мин сомы. Хъаст кæнынц æлхæнджытæ сæм кæй нæй, сæ товар райстой кредиты. Афтæмæй сæ хæстыл ма ногтæ бафтдзæн. Закъонмæ гæсгæ раздæр кассæйы аргъы фылдæр хай, 18 мин сомы, хъалонты фæрцы райсæн уыд фæстæмæ. Фæлæ уый 1-æм июльмæ. Æдæппæтæй республикæйы хыгъд уыд 6 мин нымайæн апараты. Фæстаг 2 бонмæ сæ нымæцыл бафтыд ноджыдæр 200. Фæлæ закъонмæ 1-æм июлæй закъонмæ цы ивддзинад хаст æрцыд, уымæ гæсгæ амалхъом адæймагæн нымайæн кусæнгарзы аргъæй фæстæмæ райсын ницыуал бантыстдзæн. Уый иу аххосаг у, уæйгæнджыты цæуыннæ фæнды ацы кусæнгарзæй пайда кæнын, иннæта – базары нæй интернет, нымæцон бастдзинад дæр дзы æвзæр кусы, æмæ та уыцы æппæт хæрдзтæ дæр сæхи фидинаг уыдзысты.
Хъалонисæн инспекцийы æмбарын кæнынц, кæд уæйгæнæг йæ æфтиагтæ не мбæхсы, уæд нымайæн аппараттæ сæ фиддонтыл никуыд фæбæрæг уыдзысты. Ногдзинад æргомæй, уыцы иу рæстæг æвдисы финастимæ баст алы архайд.
Электрон чекæн дæр, куыд гæххæттæн ис иухузон юридикон ахадындзинад. Хыгъд цæуы системæйы æмæ дзы ницы фесæфдзæн. Æрмæстдæр телефоны хъæуы сфидар кæнын сæрмагон программæ.
Хицæн амалхъом адæмæн бар лæвæрд цæуы, цæмæй онлайнæй ма пайда кæной. Иуæ-иутæ та йæм дзы 2021-æм азы рахиздзысты. Чи сæм хауы, уый сбæрæг кæнæн ис Уæрæсейы Федерацийы хъалонты кодексы.
