Аххосджын у, Цæгат Ирыстоны 2005-æм -2006-æм азы электрон тыхдæттæг дæлстанцæ, æмæ мобилон бастдзинады трансляторы срæмудзыны хъуыддаджы.
Ростовы Цæгат Кавказы зылды æфсæддон тæрхондон тæрхон рахаста Аслан Яндиевæн. Аххосджын у, Цæгат Ирыстоны 2005-æм -2006-æм азы электрон тыхдæттæг дæлстанцæ, æмæ мобилон бастдзинады трансляторы срæмудзыны хъуыддаджы.
Фыдгæнæгæн рахастой, 19 азы карз фæткимæ ахæстоны фæбадыны тæрхон. Яндиевы адвокаттæй иу агентад «Интерфакс-Юг»-æн фехъусын кодта, тæрхонимæ разы кæй не сты, æмæ кæй фæнд кæнынц хъаст бадæттын. Слестгæнæн мадзæлтты бæрæггæнæнтæм гæсгæ, 2005-æм азы, Аслан Яндиев æмæ фыдгæнджыты къорды иннæ уæнгтæ, электрондæлстанцæ «Дзæуджыхъæу – 2» -йы цур скодтой срæмыгъд. 2006-æм азы та срæмыгътой «Мобиком-Кавказ»-ы блок-контейнер. Ацы фыдракæндты фæрцы мæнг документтимæ алыгъди, æмæ уыди федералон агуырды. 2011-æм азы йæ æрцахстой Словакийы, 2018-æм азы та йæ æрбаластой Уæрæсемæ. Яндиевы аххосджын кæнынц хæцæнгарзы æнæзакъон зилдухæй, теракттæ кæнынæй, адæмы марынæй. 2007-æм азы фыдгæнджыты къорды иннæ уæнгтæн рахастой 24, 23 æмæ 18 азы ахæстоны фæбадыны тæрхон. Сæ иуы та амардтой, сæрмагонд операци æххæстгæнгæйæ.
