Цæгат Ирыстоны схызтысты 2.5%
1-æм июлæй фæстæмæ Уæрæсейы схызтысты цæрæнуæтты-коммуналон лæггæдты фиддонтæ. Цæгат Ирыстоны схызтысты 2.5%. Алы регионы дæр ис йæхи проценттæ. Уый у Уæрæсейы хицауады уынаффæ. Куыд цæттæ сты нæ республикæйы адæм ног фиддонтæм, уый тыххæй дзуры Моргуаты Ладæ.
Коммуналон лæггæдтæн бирæтæ бафидынц, сæ мызд куыддæр райсынц, афтæ, уыдонæй иу у Гоститы Тамарæ дæр. Йæ фиддонтæ сæхгæны, цас йæ бон у, уыйбæрц, æмтгæй бирæ уайынц, уæлдайдæр та тарифтыл куы бафтыд, уæд.
Тарифты аргъ уæлдай банкъарынц пенсиисджытæ æмæ иунæгæй чи цæры, уыдон.
Бирæфатерон хæдзæртты цæрджытæн стыр фиддонтæ вæййынц хъарм, дон æмæ рухс. Информацион-нымайæн центры зæгъынц, ивддзинæдты тыххæй се ппæт нæма зонынц. Æмтгæй адæм сæ раздæры фиддонтæ фехгæнынц, ныр сæм мæйы астæу сæвзæрдзысты фарстатæ. Фæлæ не сфæлдыстадон къорд сæмбæлд ахæм адæмыл дæр, тарифты ивддзинад чи нæ банкъардта. Зæгъынц, уæддæр сæ хъæуы фидын.
Рæстæг цæуы, тарифтæ дæр ивынц. Уый у æнæбаивгæ хъуыддаг, зæгъынц, тарифтæ кæм фидар кæнынц уыцы Службæйы. Æргътæ фæбæрзонддæр кæнынц афæдз 2 хатты. Ныр дæр фæзынд æфсон.
Кæд тарифты аргъ фæбæрзонддæр, уæддæр бирæ нæ, зæгъынц специалисттæ. 3. 3% мæ гæсгæ хицæн фиддоны аргъ ма ныллæгдæр фæцис, зæгъæм уазал донæн. Æмтгæй та Цæгат Кавказы республикæтимæ абаргæйæ Ирыстоны тарифтæ сты æппæтæй къаддæр. Æрмæст электрон тыхæн къаддæр фидынц Хъæрæсе – Черкесийы æмæ Стъараполы.
