08 июля 2019, 17:15
«Этнолагерь-2019»
Цæгат Ирыстоны цæттæ кæнынц традицион культурон-ахуырадон курсмæ.
«Этнолагерь-2019». Цæгат Ирыстоны цæттæ кæнынц традицион культурон-ахуырадон курсмæ. Сæрмагондæй арæзт у, фæсарæнты чи цæры, уыцы ирон адæмæн.
Нæ республикæмæ ссæудзысты 9 бæстæйы минæвæрттæ. Се хсæн – Гуырдзыйы, Ирландийы, Турчы æмæ Сирийы цæрджытæ. Этнолагеры фыццаг фæлтæр кусдзæн 29-æм июлæй – 4-æм августы онг, дыккаг та – 5-æмæй – 11-æм августы онг. Курсы архайджытæн фадат уыдзæн ирон æвзаджы æмæ культурæйы рæсугъддæр миниуджытæ базонынæн. Этнолагеры архайджытæн кæндзысты экскурситæ, ирон чъиритæ кæнынæй дæсныйадæвдисæг ахуыртæ. Уæдæ сæ ахуыр кæндзысты ирон кафт æмæ зардыл дæр. Уый фæстæ та абалц кæндзысты Хуссар Ирыстонмæ.
