Фæкæсынхъуаг æмæ бирæсывæллонджын бинонтæй 5 сабийæн самал кодта хъусæн аппараттæ
Зындгонд футболист, не мзæххон Дзæгъойты Алан бакодта радон хæрзаудæн куыст. Фæкæсынхъуаг æмæ бирæсывæллонджын бинонтæй 5 сабийæн самал кодта хъусæн аппараттæ. Футболист канд зынаргъ кусæнгæрзтæ нæ балхæдта, фæлæ ма сын йæхæдæг равзæрста уæлæмхасæн фæрæзтæ дæр. Уыдон та балхæнæн уыди æрмæст Мæскуыйы кæнæ Санкт-Петербурджы. Нырæй фæстæмæ цæгатирыстойнаг 5 сывæллонæн сæ бон у сæ алфамблайы рæсугъд зæлтæ хъусын. Бæлвырддæр – Фидараты Маринæ.
Гыццыл Максимыл цæуы æрмæстдæр 3 азы.Æмæ у æппæтæй кæстæр, ног хъусынгæнæн аппараттæ кæмæн фæзынд, уыцы фондз сабийæ. Йæ райгуырдæй фæстæмæ Максим ницы хъусы. Уый рабæрæг æвиппайды, зæгъы йæ мад Аланæ. Максимæн Мæскуыйы скодтой операци, æмæ йын сæвæрдтой кохлеарон аппарат. Ныртæккæ лæппу æвзары мыртæ æмæ ма суанг райдыдта йæ фыццаг ныхæстæ дзурын дæр.
Ахæм лæвар сывæллæттæн скодта зындгонд футболист, не мзæххон Дзæгъойты Алан. Скодта йæ фæкæсынхъуаг, кæнæ бирæсывæллонджын бинонты сабитæн.
Футболист канд зынаргъ кусæнгæрзтæ нæ балхæдта, фæлæ ма сын йæхæдæг равзæрста уæлæмхасæн фæрæзтæ дæр. Уыдон та балхæнæн уыди æрмæст Мæскуыйы кæнæ Санкт-Петербурджы.
Цæгат Ирыстоны хæрзаудæн фонд «Быть добру»-йы куыд зæгъынц, афтæмæй Дзæгъойты Алан цы куыст бакодта, уыйы у стыр лæвар, æмæ йæ, чи зоны исчи йæхицæн дæнцæгæн райсдзæн.
Нырæй фæстæмæ ацы кæстæртæн сæ бон у сæ алфамблайы рæсугъд зæлтæ хъусын. Уый та, кæй зæгъын æй хъæуы, уыд сæхи æмæ сæ ныййарджыты стырдæр бæллиц. Аппараттæ сæм кæй фæрцы фæзындысты, уыдонæй та бузныг уыдзысты кæддæриддæр.
