17 июля 2019, 13:17
Цæгат Ирыстоны дыууæ электрон тыхдæттæг компанийы минæвæрттæ сарæзтой традицион хæрзаудæн акци «Подари энергию жизни»
Ацы хатт туг радтой 20 кусæгæй фылдæр
Цæгат Ирыстоны дыууæ электрон тыхдæттæг компанийы минæвæрттæ сарæзтой традицион хæрзаудæн акци «Подари энергию жизни». Ацы хатт туг радтой 20 кусæгæй фылдæр. Акци арæзт æрцыд республикæйы туг дæттæн станцæйы æххуысæй. Медицинон кусджыты бригад 4 сахаты дæргъы куыста компанийы офисы. Энергетиктæ туджы банк фæхъæздыгдæр кодтой 10 литрæй. Бирæтæ сæ ныридæгæн сты кадджын донортæ, цалдæрæй та фыццаг хатт архайдтой акцийы. Медикты хъуыдымæ гæсгæ донрты æххуыс хъæуы алы бон дæр. Уымæн æмæ нырыккон медицинон препараттæ фаг ахадгæ не сты, æмæ туг баивын сæ бон нæу. Зæгъын хъæуы уый, æмæ донорты акци «Подари энергию жизни» æххæст кæны ахсджиаг социалон нысан. Сси хорз традици «Россети Северный Кавказ»-ы хайæдты.
