Ног бæстыхай дзуапп дæтты æппæт нырыккон домæнтæн, æмæ ифтонг у хъæугæ кусæнгæрзтæй.
Бындурон рацарæзты фæстæ Рахизфарсы районы кусын райдыдта арæндон. Ног бæстыхай дзуапп дæтты æппæт нырыккон домæнтæн, æмæ ифтонг у хъæугæ кусæнгæрзтæй.
Палатæты ис хинайæн æмæ санитарон уæттæ, стæй медицинон кусджытæм дзурыны кънопкæ. Цыбыр ныхасæй – алцыдæр, цæмæй пациенттæ сæхи æнкъарой иттæг хорз. Ацы чызг райгуырд минуты размæ. Йæ уæз у 3 килограммы æмæ 180 граммы, зæгъы сывæллæтты дохтыр. Цабиты Иринæйæн у йæ фыццаг сывæллон. Равзæрста йын ном – Даниелæ. Æрыгон ныййарæг тынг разы у арæндоны уавæртæй. Уæвгæ, цин ыл кæнынц Рахизфарсы районы æппæт цæрджытæ дæр. Зæронд медицинон куыстуат нæ куыста 11 азы. Арæндон куы байгом, уæдæй фæстæмæ дзы райгуырд 1862 лæппуйы æмæ 1749 чызджы. Уыдонæй 14 сты фаззæттæ. Уыимæ нымæцтæ рæзынц. Дзæгъойты Аидæ та ис патологийы хайады. Æнхъæлмæ кæсы дыууæ фаззон лæппумæ. Хæдзары та ма йæм æнхъæлмæ кæсынц лæппу æмæ чызг. Ацы нырыккон бæстыхай æххæстæй дæр арæзт у нырыккон стандраттæм гæсгæ. Ныййарæджы фарсмæ уæвæн ис хиуæттæн дæр. Арæндоны ис УЗИ аппараттæ, кардиографтæ, цæугæ рентген аппарат, æмæ рæуджытæ кусынгæнæн ифтонггарз. Уымæй дарддæр – ноггуырдтæн инкубатор, реанимацион системæтæ æмæ бирæ æндæр хъуыддæгтæ. Æрыгон сылгоймæгтæ ам сæхи æнкъарынц хи хæдзары хуызæн, суанг ма чырыстон æмæ пысылмон дины уæттæ дæр. Алы æртыццæджы та дзы вæййынц арæнтæм цæттæгæнæн ахуыртæ.
