Уæрæсейы ацы аз сфидар кодтой пенсийы агъоммæйы статус
Республикæйы 70 куыстуатæй, пенсийы агъоммæйы кары фæллойгæнджыты лæвар æрвитдзысты санаторитæм. Уæрæсейы ацы аз сфидар кодтой пенсийы агъоммæйы статус. Лæвæрд цæуы, пенсийы ацæуыны æмгъуыд 5 азæй къаддæр кæмæн у, уыдонæн. Ацы категорийы адæмæн санаторон-курортон лæггæдтæн фæрæзтæ радих кодтой социалон фæдзæхстады Фондæй. Кæмæн ис санаторимæ лæвар путевкæтæ райсыны бар, уый тыххæй радзурдзæн Къутæрты Аидæ.
Нырæй фæстæмæ пенси исыны агъоммæйы кары адæмæн, социалон льготæтæм гæсгæ, фадат ис санаторон-курортнон дзæбæхгæнæндæттæм путевкæтæ райсынæн. Бæлвырддæр та – пенсимæ ма фондз азы кæмæн баззад, уыдонæн. Ацы аз уыцы адæмæн рахай кæндзысты 10 милуан сомы.
Нæ республикæйы пенсиисджытæн сæ бон райсын у путевкæтæ санаторий «Осетия» æмæ Минводы дзæбæхгæнæндæттæм, бамбарын нын кодтойсоциалон фæдзæхстыты фондырегионалон хайады.
Æнæниздзинадæн ахъаз чи у, ахæм хойраг, буары фидардзинад æмæ цæрдæгдзинады фæлтæрæнтæ стыр ахъаз сты пенсимæ чи нæма рацыд, уыдонæн. Кинорежиссер Магкæты Людмилæ нын куыд радзырдта, афтæмæй уый йæ куыстыты раргом кæны адæмы хъысмæт, равдисы сын сæ миддуне æмæ сæ удыхъæд, зоны аргъ адæймаджы куыстæн. Фæлæ бафиппайдта, адæймаг хъуамæ улæфгæ дæр кæна.
Куыстуæтты хицæуттæн сæ бон путевкæтæ райсынæн курдиат бадæттын у фыццæгæм августмæ. Ахæм фадат ис, фæдзæхстадон фиддонтæй хæстæ чи нæ дары, æрмæст ахæм куыстуæттæн.
