Æрдзырдтой дзы ацы азы 6 мæйы куысты хатдзæгтыл, стæй фидæнмæ нысантыл.
Уæрæсейы транспорты министрады управленийы хайады разамонджытæ Цæгат Ирыстоны сарæзтой æмбырд. Æрдзырдтой дзы ацы азы 6 мæйы куысты хатдзæгтыл, стæй фидæнмæ нысантыл. Уымæй дарддæр стыр æргом аздæхтой закъонæвæрынады ивддзинæдтæм. Се ппæт дæр баст сты транспортон æдасдзинадимæ. Æмбырды куысты тыххæй бæлвырддæр радзурдзæн Къутæрты Аидæ.
Монитортыл 20 камерæйæ фылдæр нывтæ. Тъуннелмæ æппынæдзухдæр цæуы цæстдард. Службæ дзы кæны Уæрæсейы транспорты министрады Цæгат Кавказы филиалы управленийы Алагиры командæ. Цæгат Ирыстоны цæстдард цæуы 13 транспортон комплексы объекттæм. Уыдон сты хидтæ, æмæ Транскамы тъуннелтæ.
Уæрæсейы транспортон министрады бæрны ис 9 филиалы Калининградæй суанг Владивостокмæ. Йæ кусджытæ хъахъхъæнынц иу минæй фылдæр транспортон инфраструктурæйы объекты. Филиалты разамонджытæн сæ сæйраг хæс у хатдзæгтæ скæнын, стæй сæм иннæ азмæ цы нысантæ ис, уый сбæрæг кæнын.
Сæрмагонд æмбырды архайдта нæ республикæйы промышленносты æмæ транспорты министр Хайдарбек Бутов. Кусджытæн се нæзæрдæхудт фæллойы æмæ æмгуыстады тыххæй радта кады гæххæтытæ, Æмбырды ма æрдызрдтой, цы лæггæдтæ кæнынц, уыдоны хæрзхъæддзинад фæхуыздæр кæныныл.
