филиал вгтрк государственная телерадиовещательная компания “Алания”

Цæгат Ирыстоны скъолаты райдытой ног ахуыргæнæн чингуытæ исын. Республикæйы ахуырад æмæ наукæйы министрады пресс-службæйы куыд загътой, афтæмæй республикон бюджетæй радих кодтой 75 милуан сомы. Ацы бонмæ чингуытæ кæронмæ фæвæййынц ист. Уый агъоммæ министрад бакодта стыр куыст. Скъолатæй æрæмбырд кодта курдиаттæ. Ведомствæйы разамонæг Людмила Башарина куыд радзырдта, афтæмæй балхæдтой 17 мин комплекты чингуытæ æмæ сæ цы хъæуы уый. Афтæмæй скъолатæ ифтонг сты æппæт хъæугæ литературæ æмæ ахуырадон пособитæй. Уæ зæрдыл уын æрлæууын кæндзыстæм ирон æвзагæй 22 чиныгыл ногæй бакуыстой æмæ сæ скодтой экспертизæйы . Ныр сæ ногæй рауатдзысты æмæ сæ ратдзысты ахуыргæнæндæттæн.