31 июля 2019, 17:10
Сывæллæтты сфæлдыстады республикон галуаны сæрдыгон лагерь «Фидæн»-ы кусын райдыдта æртыккаг фæлтæр
Ацы хатт æй сбастой нæ зындгонд æмзæххон, ихсæттæн нау «Арктикæ»-йы капитан Кучиты Юрийы 100 азы бонимæ.
Сывæллæтты сфæлдыстады республикон галуаны сæрдыгон лагерь «Фидæн»-ы кусын райдыдта æртыккаг фæлтæр.
Ацы хатт æй сбастой нæ зындгонд æмзæххон, ихсæттæн нау «Арктикæ»-йы капитан Кучиты Юрийы 100 азы бонимæ. 18 боны лæппутæн æмæ чызджытæн фадат уыдзæн сæ рæстæг хъæлдзæгæй æмæ пайдаимæ арвитынæн. Бæстондæр базонгæ уыдзысты Кучиты Юрийы цардвæндагимæ. Сæрмагондæй уый тыххæй бацæттæ кодтой педагогон программæ. Бакуыстой йыл галуаны ахуыргæнджытæ. Æдæппæтæй лагеры æртыккаг фæлтæры ис 130 адæймаджы. Зæгъдзыстæм ма уый дæр, æмæ лагерь «Фидæн»-ы фæлтæр тематикон фыццаг хатт нæу. Уый размæ та баст уыди Хетæгкаты Къостайы сфæлдыстадимæ.
