Ног ахуыры азмæ дзы байгом кæндзысты ноджыдæр ма 4 къласы.
Ныртæккæ Алайнаг гимназы сæ тæмæны сты цалцæггæгæн куыстытæ. Ног ахуыры азмæ дзы байгом кæндзысты ноджыдæр ма 4 къласы.
Ныртæккæ дзы ивынц электрон телтæ, зынгсирвæзты ныхмæ системæ, пъолтæ, кусынц гимназы къæридорты аивдзинадыл дæр. Фæллойгæнджытæ архайынц нырыккон æрмæджытæй. Куыд нысан кæнынц, афтæмæй кълæстæ сифтонг кæндзысты нырыккон кусæнгæрзтæй. Алайнаг гимназы фæзындзæн робототехникæйы кълас, сывæллæтты ахуыр кæндзысты шахмæттæй хъазыныл, уыдзæн дзы IT-къласс. Æмтгæй райсгæйæ, нысангонд цæуы уæлæмхасæн ахуырады сахаттæ фæуæрæхдæр кæнын. Алцы дæр дзы арæзт цæуы, цæмæй ахуырдзаутæн хорз фадæттæ уа зонындзинæдтæ исынмæ, стæй сæ уæгъд рæстæг æрвитынмæ. Бацæттæ кæндзысты ахуыргæнæн цæстуынгæ æрмæджытæ æмæ чингуытæ дæр. Нысангонд куыд у, афтæмæй цалцæггæнæн куыстытæ фæуыдзысты 26-æм августмæ.
