Фæлæ йæ уарой фæкæсынхъуаг адæмæн, кæнæ та-иу æй баласой социалон приюттæм.
Парти «Рæстдзæвин Уæрæсе»-йы разамонæг Сергей Миронов фехъусын кодта хъæппæрис, цæмæй санкцитæм чи хауы, уыцы проукци куынæг ма кæной, фæлæ йæ уарой фæкæсынхъуаг адæмæн, кæнæ та-иу æй баласой социалон приюттæм.
Мироновы хъуыдымæ гæсгæ нæ бæстæйы бирæ цæрджытæ сты ахæм æххуысхъуаг. Уымæн æмæ се фтиæгтæ сты хæрзчысыл, æмæ сæ бон ахæм санкцион продукци æлхæнын нæу. Уымæ гæсгæ хойраджы продукттæ бульдозерæй хафыны бæсты хъæуы адæмыл байуарын. Хъæууон хæдзарады Министрады та уыцы хъæппæрисимæ разы не сты. Специалисттæ куыд хæгъынц, уымæ гæсгæ санкцион продукци куы нæ куынæг кæной, уæд уый фадат ратдзæн æнæзакъонæй ласт товарты зилдухæн. Стæй ма тæссаг у адæмы æнæниздзинадæн дæр. Ома исты низтæ парахат кæнынæй. Паддзахадон Думæйы экономикон политикæйы, промышленносты, инновацион рæзты æмæ амалхъомдзинады комитеты курдиатмæ гæсгæ, ацы фарстайæн дзуапп радта нæ бæстæйы хъæууон хæдзарады министры хæдивæг Оксана Лут.
Уæрæсемæ ласæн кæй нæй, уыцы продукци бирæ хæттыты нæ бæстæмæ æрбафты мæнг гæххæттытæм гæсгæ, кæнæ та уæвгæ дæр нæ вæййынц. Афтæмæй тæссаг у, карантинмæ чи хауы, ахæм тæссаг буаргъæдтæ æрбафтынæй æмæ низджын цæрæгойтæ парахат кæнынæй. Уый та, æмтгæй райсгæйæ, æдас уавæр сæвзæрын кæны Уæрæсейы Федерацийы.
