16 августа 2019, 17:10
Фыццаг хатт фыццаг къласмæ
Ахæм акци арæзт æрцыд абон республикæйы Хæлардзинады Хæдзары.
Фыццаг хатт фыццаг къласмæ. Ахæм акци арæзт æрцыд абон республикæйы Хæлардзинады Хæдзары.
Организацийы цур ма кусы сылгоймæгты клуб «Вдохновение». Хæрзаудæн акци саразыны хъæппæрис дæр уыдонмæ разынд. Сæ фыццаг пъартфелтæ æмæ канцтовартæ райстой 30 лæппу æмæ чызджы. Сты инвалид-сывæллæтты реабилитацийы республикон центрæй, фæкæсынхъуаг бинонтæй æмæ национ-культурон æхсæнадтæй. Скъоламæ бацæттæ кæныны дзаумæттæ балхæнынæн баххуыс кодтой спонсортæ. Рæзгæ фæлтæр та сын бацæттæ кодтой æмдзæвгæтæ æмæ зарджытæ. Хæлардзинады Хæдзары директор куыд радзырдта, афтæмæй фидæны аз дæр нысан кæнынц ахæм акци саразын, æрмæст – парахатдæрæй.
