Сæ фылдæр сты, царды зын уавæрты чи бахауд, ахæм бинонтæй, стæй мидхъуыддæгты министрады оргæнты хыгъды чи лæууы, ахæм æнахъом сывæллæттæ
160 скъоладзауы сæ фæллад уадзынц патриотон лагерь «Патриот»-ы радон фæлтæры. Сæ фылдæр сты, царды зын уавæрты чи бахауд, ахæм бинонтæй, стæй мидхъуыддæгты министрады оргæнты хыгъды чи лæууы, ахæм æнахъом сывæллæттæ. Ацы лагерь кусы æртыккаг аз. Йæ саразыны хъæппæрис разынд мидхъуыддæгты Министр Михаил Скоковмæ. Фыццаг хатт ацы аз пъæлицæйæгтимæ лагеры инструктортæй кусынц 58-æм æфсады службæгæнджытæ. Сменæ патриот арæзт æрцыд лагерь «Металлурджы». Рæзгæ фæлтæры сахуыр кæндзысты æфсæддон цæттæдзинады бындуртимæ, кæндзысты сæ экскурситæм, æмæ сын дзурдзысты Уæрæсейы æиæ Ирыстоны историйы тыххæй. Афтæмæй семæ цæудзæн ахадгæ профилактикон куыст.
